لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
خطة النرجسي استهداف منهجي للأشخاص الاكثر تعاطفا
النرجسي فعلا مش بيحب ومش بيعرف يحس المشاعر الإيجابية والتعاطف ومع ذلك هو مدرك ان المشاعر دي هي المدخل الرئيسي لاي فريسة هو عايزها ، لكن الفريسة دي أصلا لازم يكون لها مواصفات واولها انها اكثر تعاطفا ، النرجسي أصلا معندوش القدرة على الحب مش غصب عنه مش زي السيكوباتي خلايا المشاعر عنده عطلانة ومش شغالة لا هو عضويا سليم وخلايا المخ المسئولة عن المشاعر سليمة وتمام لكن هو اختار يوقف عملها ،هو اختار انه يجمد مشاعره بمزاجه عشان ماحدش يؤذيه وعشان هو مش عايز يكون عنده مشاعر تاني ،ودي بتكون خطورة النرجسي انه فاهم ان المشاعر ممكن تكون سبب الألم لغيره وهو دة اللي بيشتغل عليه النرجسي معاكي ،عشان كدة بنقول عشان تنتصري عليه لازم تحيدي مشاعرك ، طيب تعالي بقى نشوف النرجسي بعد ما جمد مشاعره وقرر انه يختار فريسة يستغلها ويستخدمها لخدمه مصالحه واهوائه حيختار ضحية شكلها ايه وليه ،اول حاجة بيدور عليها المتعاطفة ليه؟ شوفي هو لما قرر يجمد مشاعره قرر كدة عشان هو تم ايذاؤه عن طريق المشاعر دي وحب يحمي نفسه من العالم الخارجي فقرر يجمد مشاعره يعني هو مدرك تماما ان الناس اللي عندهم مشاعر دول سهل جدا ايذائهم والسيطرة عليهم وبالتالي بيدور ع الناس دي وبيستهدفهم فعلا بمنهجية قد تكون غريزية زي الحيوان المفترس وقد تكون مدروسة كل واحد على حسب عقله وتفكيره ،المهم انه بيكون محدد هدفه وعارف هو حيوصل له ازاي ، وهنا لازم اذكر للناس اللي بتكون محتارة لسة في موضوع هو قاصد يؤذي ولا لا اظن كدة وضحت تماما هو من البداية بيدور على حد متعاطف عشان يسهل عليه استغلاله ، طيب بعد كدة بيعمل ايه ؟ بيبدأ يغذيكي على كوكتيل من المشاعر ،شوية حب عاصف وبعدها تحقير وقلة ادب وتقليل قيمة ويعقبها حب فظيع وبعدين غضب ويعدين خصام ويرجع حب تاني كل دة بيعمله ليه بيعمله عشان يلخبط حكمك على الأمور يلخبط عقلك يخليكي مش فاهمة مشاعرك انتي مش مشاعره هو وبس لا فعلا بتوصلي انك مش فاهمة أصلا انتي حاسة بإيه ، وايه كمان بتعمل فيكي كوكتيل المشاعر دي ؟ بتكسر كل حدودك تماما لانك لما تتهزأي باسم الحب بتقبلي وتسكتي ولما تنضربي وبعدين يبوس رجلك حتقبلي وتسكتي ولما تتشتمي وبعدين يصالحك باكتر حاجة بتحبيها برضه حتقبلي وتسكتي وبكدة اصبح مفيش حدود نهائيا ، ولو النرجسي قدر يعمل الحاجتين دول انه يلخبط مخك وحكمك ع الأمور وانه يخترق حدودك فإيه اللي تبقى منك؟ لما توصلي انك تشوفي الغلط صح وتشوفي الصح غلط ولما تفسري الإهانة والتحقير على انه حب وغيرة وخايف عليكي ولما تبقي مش فاهمة انتي حاسة بإيه ومش قادرة تحكمي ع النرجسي هو طيب ولا شرير وبيحبك ولا مش بيحبك ، وفي نفس الوقت مفيش حدود تمنع عنك اذاه ،فانتي بقيتي عبارة عن ايه ؟ مجرد دمية عروسة خشب في ايده وخلصت الشغلانة
النرجسي بيعتمد على تعاطفك في انه يحطمك عشان كدة اللي عايزة تخرج من العلاقة دي ولو بدون طلاق لازم تحيد مشاعرها تجاه النرجسي مش تجمد مشاعرها زيه لا خالص انا مش بقول لك كوني نرجسية ولا كوني زيه لا انا بقول لك حيدي مشاعرك تجاهه يعني ايه يعني لاتحبيه ولا تكرهيه ، يعني تبطلي تدمنيه ، كلنا عارفين ازاي نعمل دة والناس اللي عندها إرادة وعزيمة عملت ونجحت وقدرت تسيطر ع النرجسي وتاخد حقوقها منه واللي ماكملتش معاه اتطلقت واخدت حقوقها برضه لان أي حد سوي بيكون اقوى من النرجسي وبيقدر عليه لانه فعلا ضعيف وهش والا مكنش يستقوى ع الزوجة الاسيرة اللي تحت ايده وكان يستقوى على امه او ابوه النرجسي ومايبقاش ادامهم زي الفار ويسترضيهم بكل الطرق ، صدقيني ضعفك هو اللي مخليه قوي عليكي ، اشتغلي على نفسك واتعبي عشان ترفعي هرموناتك وتخلصي من التعلق بالنرجسي