لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
اكبر غلطة ممكن تعمليها مع النرجسي
اكبر غلطة غلطتيها مع النرجسي انك كونتي له اجمل صورة عن اهلك واصحابك وزمايلك ، انتي اللي عملتي دة في بداية حياتك معاه وطبعا هو كان بيكمل الصورة ، انتي اللي طول الوقت تشكري فيه وتقولي الا جوزي داب يعمل كذا وكذا وخصوصا في اول علاقتكم وفيه ناس بتفضل تشكر فيه لدرجة انها جاية لي تشتكي لي وتقول لي بس هو طيب ،بس ساعات بحسه غلبان ، بس هو راجل جدع ويكون مثلا سايب البيت من غير ولا مليم بقاله يومين ، طبعا دي بيكون عندها تنافر معرفي وادراكي لانها شافت الحلو والوحش ، انما في بداية العلاقة بتكون شايفة الحلو بس فبتبدأ ترسم له صورة رائعة ادام أهلها والبعض بتحب تتفاخر ان جوزها بيحبها وبعضكم بتكون فرحانة بيه ولو حد نرجسي في عيلتها كان بيقول لها انتي مش حتنجحي في حياتك او كانت أمها نرجسية ودايما تقول لها انتي مش حتعمري والكلام الهادم دة فهي بتكون حريصة على انها تبين جوزها الملاك اللي باربعين جناح وبعدين ؟ وبعدين لما يبان لها وتبدأ رحلة العذاب ايه اللي بيخليها ماتهدش الصورة بقى وتبدأ تحكي لأهلها عن اللي بيحصل معاها ؟
١- مش عايزة حد يشمت فيها
٢- مش عايزة اللي بيحبها يقلق عليها
٣- خايفة تفضح النرجسي يقلب عليها (مفروض تحكي لحد عاقل مش بيتكلم كتير )
٤- عايزة الصورة تفضل حلوة وهي ماصدقت ربنا نصفها على النرجسيين اللي في العيلة
٥- هي أصلا مش عارفة اذا هو وحش ولا العيب فيها هي
المصيبة بقى انها بتفضل ساكتة وسايبة صورته الجميلة وسايبة أهلها فاكرينه ملاك وبعدين فجأة توصل لانها خلاص مش قادرة تكمل فتبدأ تحكي لأهلها فمحدش يصدقها ونبدأ في حكاية جديدة وظلم جديد ، عشان كدة دلوقتي اللي عرفت انه نرجسي لازم تختار حد سوي وعاقل من العيلة وتحكي له اللي بيحصل معاها وتشيل عنده أي ادلة في ايدها عن اخطاؤه عشان ساعة الجد تشهده ، حالة عندي كانت بتحكي لعمتها من اول ما اتجوزت كل اللي بيحصل ومخبية على الكل ومش بتحكي لحد ولما وصل الموضوع للطلاق بدأ يشوه سمعتها ويتهمها في شرفها لدرجة ان أهلها شكوا فيها لما حكت اللي بيعمله فيها ومنهم اللي قال اكيد ماسك عليكي حاجة والا ايه اللي مسكتك ع الاهانات والذل دة ولولا ستر ربنا ولولا انها كانت بتحكي لعمتها كان الكل قلب عليها لولا ان عمتها وقفت لها وشهدت لها كان النرجسي قدر يحطمها فعلا لان الرجالة الكبار في العيلة كانوا بدأوا يشكوا فيها فعلا ولهم عذرهم هم مش بيسمعوا عنه غير كل خير منها هي وفجأة يكتشفوا انه بيهين وبيضرب وهي مستحملة وفي الاخر يبرر قلة ادبه بانها مش تمام وبتكلم رجالة فشيء طبيعي ان الناس ممكن تشك . فلازم تحكي لازم تقولي كل صغيرة وكبيرة ولازم تاخدي عليه ادلة وتسجلي عليه اللي تقدري تسجليه لانه للأسف دة السلاح الوحيد اللي ممكن ينفعك . وطبعا الكلام للامهات اللي بناتهم على وش جواز لازم تقربي من بنتك وتخلي بينك وبينها حوار دائم ومستمر وتخليها تحكي لك مشاكلها عشان لما يحصل حاجة مش طبيعية من جوزها تيجي لك وتستشيرك ماتكتمش في نفسها ولا تفضل ساكتة ومتلخبطة لحد مايحصل لها اللي حصل لك ، خليكي صاحبة بنتك عشان تحميها من اللي حصل معاكي،
ماتنكسفيش انك تغيري كلامك وماتخافيش من شماتة الناس وماتهتميش برأيهم فيكي ولا في حياتك ، اهتمي بيكي انتي احمي نفسك انتي