١٤علامة للنرجسي الخفي
١- اول علامة واكبر علامة ان كل الناس بتشكر فيه ولو حكيتي لاي حد يعرفه اللي هو بيعمله معاكي انتي واولادك محدش حيصدقك
٢- معظمهم أصحاب مال او سلطة او رجل دين او قائد روحاني او معالج او رئيس منظمة خيرية او كاتب او شاعر او خطابي ملهم
٣- عنده تعاطف ادراكي اللي هو ايه اللي هو بيقلد المتعاطفين عشان يكسب أرضية عند الناس فيبدوا متعاطف وبكاء
٤- ظاهريا يبان متواضع ماهو التواضع من ضمن الاخلاق الحميدة اللي هو بيدعيها
٥- في البيت : مكتئب دايما ومكشر غالبا وتعيس ومتجهم طول الوقت والى حد ما انطوائي (مش شرط)لان فيه خفي مرح
٦- بيخاف من التغيير ومش بيحب الطبيعة ومعندوش حماسة لأي حاجة في الحياة
خامل وكسول وعنده قلق مزمن وضعيف جدا ادام الضغوط بينهار بسرعة
٧- معندوش ثقة بنفسه ابدا لكن دايما يقول انا معتز بنفسي ، خجول زيادة عن اللزوم ودة دليل عدم الثقة بالنفس،كمان شديد الحساسية للنقد ودة كمان دليل
٨- أي محادثة معاه لازم يحولها عن نفسه وانجازاته وعظمته وصفاته وسحره ومفيش محادثة معاه تكون مثمرة نهائيا
٩- لما تغلطي فيه (من وجهة نظره ) انتي او غيرك وماقدرش يعمل لك غضب نرجسي حيحوش ويرد بضربة قوية بعد فترة
١٠- بيرسم صورة مثالية لطفولته ادامك وادام الناس وبيصور ابويه مثاليين ، ومهما حصل من خلافات بينهم مستحيل يعرفك ،الا اذا تحول لنرجسي ظاهر فبيقول كل حاجة وممكن يتخانق معاهم ادامك عادي جدا والا اذا كان واخد دور الضحية يعني الخفي الضحية مش بينطبق عليه البند دة لانه أصلا بيبرر اخطاؤه بالطفولة البائسة وغالبا النرجسي اضحية مش بيكون خفي الا في النادر
١١- ممكن يعتذر لكن بيكرر نفس الغلط طبعا لانه عرف انه بيضايقك وطبعا بياخد منك وقود نرجسي ،
١٢- بارع في تبرير السلوك السيء ويحسسك انه لو مكنش عمله كان حيموت مثلا
١٣- الإساءة خفية لدرجة انك بتبقي حاسة بالذل ومش عارفة تقولي هو بيذلك ازاي مش عارفة تقولي حاجة هو بيعملها إساءة رقيقة ودقيقة وتراكمية وتوصلك انك تبقي شاكة في نفسك انا صح ولا غلط
١٤- حياته كلها ابيض واسود يعني اما كامل واما لا ،اما انتي تديني كلك وتتنازلي عن نفسك واما مش عايزك ،مفيش مرونة ولا وسطية