ازاي النرجسي بيخترق عقلك ويتحكم في افكارك؟ ويزرع جواكي الإحساس بالذنب؟
لازم تعرفي ازاي النرجسي بيهكر مخك ويلخبط تفكيرك عشان تعرفي تتخلصي من تحكمه في تفكيرك وفيكي وكمان تبطلي تلومي نفسك او تتعرضي للجاسلايتينج
شوفي الحلقة دي دسمة شوية بس لو ركزتي معايا كويس حتفهميني
دلوقتي احنا لما بنفكر في أي موضوع مثلا ابسط حاجة انتي حتعملي ايه النهاردة ع الفطار ؟ بتفكري ازاي ؟ اول حاجة بتفكري فيها ايه ؟ انا عندي ايه أصلا في البيت ينفع يتعمل او انا معايا فلوس اد ايه عشان اعرف احدد اقدر اشتري ايه عشان اعمله ، صح اول حاجة مخك عايزها ايه معلومات عن امكانياتك عشان يفكر حتعملي ايه ، يبقي اول حاجة بنحتاجها عشان نفكر في شيء هي المعلومات ، طيب المعلومات دي لازم تكون صحيحة ومش مكذوبة ولا متلخبطة لازم تكون واضحة وواقعية يعني ماينفعش تقعدي تتخيلي ان معاكي الف جنيه مثلا للفطار في حين ان معاكي أصلا مية او انك مثلا معاكي الف جنيه لكن مش بتوع الفطار بتاع النهاردة بس لا دول مثلا مفروض يفطروكوا يومين فلازم معلوماتك تكون واقعية عشان تكون نتيجة تفكيرك سليمة ،طيب كدة جمعتي المعلومات حتعملي بيها ايه حتدخليها في مخك وتمرريها على فلاتر كدة عشان تختاري يعني مثلا حددتي انك تقدري تشتري لحمة مثلا او عندك في التلاجة طيب حتعمليها ستيك مثلا طيب هي تنفع لا دي مش قطعية ستيك طيب حتعملي كباب حلة؟ لا مثلا الأولاد مش بيحبوه طيب حتسلقيها؟ وهكذا كدة انتيب تمرري المعلومات بتاعتك على فلاتر في مخك عشان تختاري الصح وبالتالي نتيجة تفكيرك تكون مظبوطة وتطلع فطار كويس ومتسق مع الواقع بتاعك اللي هو امكانياتك المادية وكمان متوافق مع الحاجات اللي كلكم بتحبوا تاكلوها وكمان اكل مش مؤذي لحد منكم ودة بنسميه ان النتيجة متسقة ومتوافقة مع الواقع ، طيب كدة انتي فهمتي طريقة التفكير بتاعة عقلك وايه الخطوات اللي بيتم بيها التفكير ، طيب ازاي نفسد التفكير دة لو حبينا نفسده او نشوهه او نزرع فيه أفكار بالعافية؟ ودي وظيفة النرجسي . اول حاجة بيلعب فيها النرجسي المعلومات ودي اهم حاجة ، يعني مثلا النرجسي شايفك واثقة من نفسك وجسمك حلو وممشوق كدة ورياضي وطبعا هو مش عايزك واثقة من نفسك أصلا فيبدأ يشوه المعلومات اللي عندك عن نفسك ،يبدأيعمل دة بشكل غير مباشر او مباشر على حسب نوع النرجسي ، يقول فلانة جسمها مليان ومتناسق ، او يشكر في واحدة تخينة او يقول لك وش انتي نحيفة مثلا او دراعاتك نحيفة او أي معلومة تشوه المعلومة الاصلية الصحيحة اللي هي انك مانيكان وجسمك رياضي وممشوق ، ومع تكرار تشويه المعلومة مخك بيقبلها وبيدخلها ع الفلاتر عشان يشوف حيفكر فيها ازاي ويبدأ مخك يقول فلانة تخينة وعاجباه يعني جسمها حلو يعني الحلو التخن مش الجسم الرياضيي فيكون الاختيار هنا ان التخن جمال ودة عكس الواقع ،تكون النتيجة انك تقرري انك تتخني وتفشكلي نتيجة ان المعلومات اللي دخلت المخ معلومات مشوهة ومغلوطة وهو دة اللي النرجسي بيعمله معاكي طول الوقت ،
طيب انتي تعدلي دة ازاي ، ماتقبليش أي معلومة انتي مش مقتنعة بيها الا لما تبحثي وتدوري وتسألي اكتر من حد ، لازم تتعودي تفكري وتبحثي ، حنرجع للمشكلة الأولى انك مش عايزة تتعبي نفسك في التفكير

ابدأي بقى راجعي معلوماتك كلها اللي اخدتيها من النرجسي او من أي حتة وابدأي راجعي معتقداتك (شوفي حلقة زاي تتخلصي من افكارك اللي بتساعد النرجسي انه ينتصر عليكي ؟الثقة(١٧) )