ازاي النرجسي بيحجر على مشاعرك ويكبتها
الحجر على المشاعر دة على كلام علماء النفس ممكن يؤدي لذهاب العقل ، تخيلي مدى الخطورة ، وبالفعل حالات كتير بتمرض نفسيا وبتوصل للجنون عافانا وعافاكم الله ، المشكلة العظيمة في الحكاية دي اننا مش بننتبه اننا بيتعمل لنا حجر على المشاعر او ابطال المشاعر ، ودة اللي النرجسي بيعمله لكي في مرحلة التحقير ومن كتر ما احنا في مجمل حياتنا بيتعمل لنا حجر على مشاعرنا من واحنا أطفال اصبحنا بنتعامل مع الموضوع على انه حاجة عادية ومش مقصود بيها لا اهانات ولا ابطال للمشاعر ، وعشان كدة لما النرجسي بيعملها انتي مش بتدركي انها مرحلة تحقير وبتفضلي تلتمسي له اعذار وتفكري ان العيب فيكي لانك مش بتكوني واخدة بالك انه قاصد يهينك ويحجر على مشاعرك بكلامه ، طيب ازاي تعرفي ان الجملة دي فيها إهانة ولازم ترفضيها ولو ترفضي تصدقيها أصلا ولا تتجاوبي معاها ؟ حقولك امثلة للجمل اللي بتتقال من اقرب الناس لنا سواء نرجسيين او اسوياء وسواء قاصدين الإهانة وكبت مشاعرك او قاصدين يساعدوكي بس بطريقة غلط ، بس الجمل دي فعلا مهينة وبتؤدي الى كبت المشاعر وتفكك الشخصية
١- متهيألي احنا اتكلمنا في الموضوع دة قبل كدة
انا ارفض اخوض في المناقشة دي
مفروض تتكسفي من نفسك انك بتحسي بالطريقة دي
انتي محتاجة انك تعرفي انتي اد ايه محظوظة
كان ممكن تكون الأمور أسوأ من كدة
مش مفروض تحسي بالطريقة دي او مش مفروض تحسي بكدة
فكري في اللي وضعهم أسوأ (كلام الاهل لما تشتكي لهم من النرجسي )
كبري مخك ، متقلقيش انتي مكبرة الموضوع ،
بطلي تاخدي كل حاجة بشكل شخصي
عيشي وابتهجي ومتبقيش كئيبة ونكدية ، - متبقيش جد كدة – انتي فهمتي الموضوع كله غلط (النرجسي لما يحب يهرب من خيانة ) – طبعا بحترمك بس مش عايز اسمع دلوقتي او معنديش وقت اتناقش – دي سخافة – دة مش منطقي- مش دي الطريقة اللي الدنيا بتمشي بيها – حقيقي انا مش بحكم عليكي بالشكل الفظيع اللي انتي حاسا هانتي بتبالغي – انتي الوحيدة اللي بتحسي بالشكل دة – دة مش بيضايق حد اشمعنى انتي بس اللي بيضايقك (بيشكك في نفسك ) انتي بس مجهدة الموضوع مش بالسوء دة – مفروض تحمدي ربنا وتعيشي – انتي فاكرة العالم مخلوق عشان يخدمك – انتي مش بتفكري غير في نفسك – الزمن حيعالج (غلطة هو عملهاومش عايز يعتذر عنها ) – انا زهقت وتعبت من الكلام في الموضوع دة امتى حتتجاوزيه (خيانة مثلا) – الموضوع مش مستاهل كل دة ( يكون ضاربك مثلا او شاتمك او امه مهزئاكي ) – بطلي تحسي بالاسف علي نفسك ( اسقاط) انتيب تتخيلي مفيش حاجة من الكلام دة – انتي غيورة بطبعك ، معندكيش إحساس بالأمان ابدا – قلوقة مجنونة – انتي عاملة مشكلة من مفيش
ابطال المشاعر دة بيخليكي تفكري ان فيكي حاجة غلط عشان بتحسي بالطريقة دي ، وخصوصا لما يحصل معاكي على مدى طويل سنين
انتبهي لكلام الاخر واعرفي تقبلي ايه ومتقبليش ايه


اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11