تنمر او بلطجة
عبارة عن آداة حادة للاكراه والسيطرة ، اللي معقداو مش سهل زي تيودور (ودة كلامه) مش بيلجأ للطريقة دي في السيطرة ، هو بيقول انه مش بيحبها لانها واضحة وبديهية وكمان ممكن تمسكي فيها عليه دليل تسوئي سمعته وتخسريه الناس او القرود الطائرة بتاعته ، لكن هي طريقة سريعة لاعادة السيطرة والتحكم واجبارك تعملي اللي احنا عايزينه ، لكن كمان هي ممكن تكون سبب في انك تهربي مننا وتخرجي من قبضتنا لانها ممكن تكون القشة اللي كسرت ظهر البعير (دليل غباء النرجسي اللي بيستخدمها وخطورة اللي مبيستخدمهاش) ونرجع نجري وراكي ونهدر طاقة في ارجاعك . كمان التنمر دة ممكن يوصلك انك تبلغي السلطات عننا لانك تقدري تمسكي علينا دليل زي ما قلت لك.كمان تيودور بيقول انه مش بيستخدم الطريقة دي لانها دليل علي فقدان السيطرة وهو ميحبش يحس انه بيفقد السيطرة ، لان هو لو استخدمها بتكون اخر تكتيك بيمتلكه . التنمر هو الطريقة الرسمية لاعادة الكنترول اللي فقده النرجسي ، وبيستخدمه عشان يخوفك ويؤلمك ، التنمر اللفظي بيكون زعيق وصوت عالي وكلام عارفينه بيؤلمك وبنفضل نكرره وبيكون على شكل غضب نرجسي وانفجار مفاجيء مقرف ومؤلم
شوفي بقى الحتة دي مهمة جدا : بيقول انتي لو اظهرتي اي دفاعات او حسيت انك اخدتي حباية الشجاعة وجيتي تدافعي عن نفسك ادامي وبتقفي على رجلك وتردي علي ، انا مش حتحمل انك تتحديني او تتحدي طريقتي في التحكم فيكي ولازم اؤكد على وجود التحكم دة وعدم فقدانه بسرعة وفي الحالة دي حضطر اتنمر عليكي مرات ومرات عشان اطحنك تماما . انتي بقى حتعملي ايه ؟؟
١- اذا انتي مع نرجسي خبيث او سايكوباث وحتخافي على نفسك او على اولادك مفيش غير انك تبلغي السلطات لانه ممكن يؤذيكم جسديا لانه لا بيفرق معاه قانون ولا سلطة ولا مجتمع ولا اي شيء
٢- متفكريش ان لو مفيش عنف جسدي فيبقى التنمر العاطفي واللفظي حيكون اقل اذى لكي بالعكس ممكن يكون اسوأ من الاذى الجسدي ، وانتي مش مجبرة تتعاملي مع النوع دة من التنمر فإذا تقدري تتحركي من ادامه او تخرجي من المكان خالص يكون احسن ، هو مش حيلاقي حد يتنمر عليه .
٣- لاتتحملي التنمر لان اذا النرجسي حس ان التنمر جاب نتيجة حيستمر فيه ويكرره طول الوقت ، فانتي لازم توقفيه فورا ، ومترديش عليه كلمة بكلمة لان هو دة اللي هو عايزه لان دة بيديه اهمية وبيسحب بيه وقود نرجسي ، وفي نفس الوقت جر الكلام دة هو حيعرف يغلطك ويثبت عليكي ان انتي اللي عندك الغلط مش هو ، ولو فيه حد ثالث معاكم حيشوف بنفسه عصبيتك وانهيارك الهستيري وطبعا هو حيكون مثال للهدوء والادب والثبات الانفعالي وانتي اللي مجنونة . وممكن تلاقي نفسك انتي اللي البوليس جاي ياخدك .
٤- سجلي واثبتي السلوك السيء اللي بيعمله النرجسي ساعة التنمر ، لانك في يوم حتحتاجي تصعدي الامور وساعتها حتكوني محتاجة ادلة على سوء سلوكه معاكي
٥- استخدام النرجسي للتنمر معناه انه بدأ يفقد السيطرة عليكي ودة مفروض يديكي القوة ويخليكي متكونيش خايفة ، طول عمرنا عارفين ان اللي يزعق ويتكلم بسوء بيكون موقفه ضعيف ، وكمان معناه ان النرجسي شايفك اقوى من قبل كدة فبيحاول يكسر قوتك دي ، وهو بيكون خايف انك علي وشك تفلتي من ايده .
التنمر قاسي لكنه علامة على ان النرجسي متعثر في احكام السيطرة عليكي حطي دة في دماغك دايما (تيودور )

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11
من كتاب الهروب لتيودور