القرود الطائرة تيودور بيسميهم الملازمون
النرجسي دايما عنده مجموعة اشخاص بيشتغلوا لحسابه باي شكل من الاشكال، طيب الناس دي فايدتهم ايه اكيد انتي عارفة طبعا في الاول بيكونوا بيكملوا اشتغاله لكي يعني هو بيكون حنين وطيب والحب الدهبي اللي في الاول دة وهم في نفس الوقت يأكدوا لك انه انسان طيب وحنون واخلاق ومفيش زيه وهكذا وخدي بالك منهم عارف انه انسان سيء وبيكدب عشان ينافقه وياخد منه مصلحة ومنهم مخدوع فيه تماما ، المهم بعد كدة هو بيستخدمهم في انهم يزودوا حيرتك ويشوشوا تفكيرك ويقولوا لك انتي غلطانة ومكنش مفروض تعملي معاه كدة ودة بيحبك دة بيعيط ليل نهار ومش بينام عشان بعدتي عنه ، المهم هو بيستخدمهم ضدك سواء عارفين وفاهمين او لا ، وطبعا هو عامل لهم غسيل مخ ومفهمهم انك عاملة مشاكل ومش طبيعية ومجنونة وهكذا ،طيب حتتعاملي ازاي مع الناس دي
١- اول نقطة واهم نقطة انك تعرفيهم وتحدديهم هم مين ، ممكن حد من اصدقائه اللي معاه من زمن طويل ودول قليلين ، وممكن يكونو مرؤسين له فهو متحكم فيهم كويس طبعا بسحره ، وممكن جيران ، حتى المعالج النفسي ممكن يستخدمه وطبعا لو عنده صديقات تيودور بيقول لك ان اما بيغويهم او انه بيستخدمهم في حاجة تانية ، كمان ممكن يكونوا من اصحابك انتي وممكن اخواتك وممكن مامتك ودول بيكون اذاهم اكتر طبعا واشد من غيرهم ،
٢- خليكي عندك شيء من الشك الصحي ، يعني مش اي حد يقول لك حاجة تصدقيه ، طبعا انتي من الناس اللي بتتعاملي بصدق واللي بتقوليه بتعنيه ومش بتكدبي فبتتوقعي ان كل الناس زيك ودة غلط كل الناس مش زيك بالعكس اللي زيك قليلين جدا اصلا ، وطبعا انتي اكيد عرفتي ان النرجسي كذاب بشكل مرضي فلازم تتوقعي ان اللي حواليه حيكونوا زيه فلازم لو اي حد من طرفه قال لك اي معلومة اطلبي منه دليل على المعلومة ومع ذلك دة مش حيخليهم يبطلوا كدب لكن حيقلل تأثيرهم عليكي شوية
٣- خدي بالك من الناس ذوي السلطة اللي لهم علاقة بالنرجسي لانهم بيكون عندهم تقديس للسلطة بصفة عامة وبالتالي حيقدسوا سلطه عليكي كزوج وممكن يتواطئوا معاه عليكي من باب انك خارجة عن السلطة
٤- متحاوليش تهدري وقتك وطاقتك مع الناس دي لان النرجسي مختار الناس اللي مبتقبلش النقد واللي متخيلة انها صح على طول الخط ومش حتقبل منك اي تكذيب للكلام اللي هو قايله عنك لانه عامل لهم غسيل مخ و مفهمهم ان المشكلة فيكي وانك مستغلة ومجنونة
٥- متتناقشيش مع القرود الطائرة ولا تجادليهم ولا تديهم اي معلومات عنك لانهم حيوصلوها للنرجسي طبعا وخدي بالك ان اي مجادلة حتعمليها حتثبت لهم الفكرة اللي هو زرعها في عقولهم عنك ، وحيروحوا يقولوا له كل كلمة بتقوليها وطبعا هو حيوجه لك الاتهامات ( انتي ليه بتكلمي اصحابي من ورايا ، انتي ليه بتضايقي اصحابي ولا اخواتي ، انتي ليه بتخرجي اسرارنا برة ، انتي بتفضحيني ليه ،….)
٦- متسأليهمش انتوا في صف مين لان هم طبعا في صفه حتى لو كانوا اصحابك او اهلك . هو استخدم سحره وبلاغته وكدبه في اقناعهم بانك ظالماه وجاية عليه وهو غلبان ومسكين ومظلوم معاكي ،
٧- ابدا متاخديش الناس دي على محمل الجد عشان هم اصلا صورة مشوهة منه وبيكرروا كلامه فمفروض متتأثريش ابدا بكلامهم ولا تزعلي ولا تتهزي لانهم لو اهلك فهم مخدوعين فيه ولو اهله فهم زيه فمتاخديش الكلام وتعتقدي ان المشكلة فيكي وتقولي كلهم بيقولوا نفس الكلام يبقى اكيد العيب في ، انتبهي وطالما انتي بتسمعيني دلوقتي يعني انتي فهمتي انه نرجسي فأي حد يدافع عنه متاخديش منه ولا تعتدي بكلامه ابدا
٨- طالما عرفتي الناس دي مين يبقى تقفلي عليهم السكك كلها خصوصا لو انتي في سكة طلاق او انفصال صامت لانهم بيوتروكي ويوصلوا لك معلومات تضايقك وتشوش تفكيرك زي انه بيعرف واحدة او حيتجوز من باب انهم يضغطوا عليكي تتنازلي عن حقوقك او ترجعي له …………..

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11