متى يبكي النرجسي ؟
النرجسي بيستخدم البكاء زي مابيستخدم حاجات كتير بيتعلمها منك ومن غيرك بيستخدمهم في التلاعب بيكي ، انتي عارفة انه لا بيندم ولا بيحزن الا انه بيحزن على نفسه بس لكن مش بيوصل للبكاء الا نادر لانه بيترجم زعله على نفسه على شكل غضب وبيستبعد البكاء بسبب غضبه من العالم اللي ظالمه زي ماقلنا قبل كدة ، وهو مقتنع ان البكاء مش حيحقق له شيء ( البكاء الحقيقي) لكن هو ممكن يهدي نفسه بشوية وقود منك او من غيرك ، النرجسي حيستخدم البكاء في حالة التلاعب بيكي ، ودة حيحصل لو حس انك عايزة تسيبيه او بتخططي تسيبيه سواء قلتي او مقلتيش ، المهم انه عرف انك خلاص مش مكملة معاه ، وهو معندوش بديل لكي مفيش مصدر للوقود غيرك في الحالة دي بس ممكن تشوفيه بيبكي ، اما لو عنده مصدر مجهزه بديل لكي حيسيبك ببساطة بدون اي مشكلة على اساس انه فاكر نفسه حيقدر يعمل لك هوفر في وقت لاحق لما يحتاج للوقود منك ، المهم انه بيستخدم البكاء معاكي في الحالة دي لسببين : الاول : انه عارف انك حتتأثري بيه لان هو نادر لو بكى فانتي حتتصدمي لما تلاقيه بيبكي وحتصدقي طبعا انه بيحبك وانه مش عايزك تسيبيه ، السبب التاني انك شخص متعاطف ومتحبيش تؤذي حد والاحساس بالذنب عندك عالي جدا وحتفضلي تلومي نفسك انك تسببتي في انه حزين ومحبط وبالتالي حتحبي تصلحي الموقف وحترجعي له ( تيودور بيقول : دموعنا دايما دموع التماسيح ، احنا عمرنا ماجربنا دموع حقيقية ، ولا حزن حقيقي ولا زعل حقيقي بالطريقة اللي انتي بتحسيها ، نحن نبكي لان البكاء يعطينا مانريد زي ما الطفل بيعمل) خدي بالك الكلام دة مش بينطبق بحذافيره على خفيف النرجسية ، هو ممكن يبكي فعلا لكن خمس دقايق كل ست اشهر مثلا

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11

الكتب :
Ask the narcissist