ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawtharsanad.com/
رقم واتساب ٠٠٢٠١١٥٠٥٨٦٠٥٢
علامات الزوجة النرجسية
ازاي تعرف اذا زوجتك نرجسية ؟ لو انت بيحصل معاك اللي حقوله دة اعرف انك عايش مع شخصية سامة ، بس قبل ما أقول لك العلامات كون متأكد الأول ان انت مش بتستفزها وان تصرفاتها مش رد فعل لتصرفاتك وراجع نفسك اذا انت عامل اللي عليك في بيتك وشايل مسئولياتك مش راميها عليها فهي لما تتعب وتتعصب وتعترض وتنتقد تقصيرك تبقى هي نرجسية
١- اول علامة للزوجة النرجسية انها لها مود متقلب زي موج البحر ماتفهمش امتى وليه بتهب وتقلب وتحقر وتسيء الادب وبدون مقدمات ولا أسباب هي عدت دبانة ادام وشها ضايقتها فتطلع في مين انت واولادك . ولو حست انك زهقت من نكدها حتضحك عليك بكلمتين او تغريك بعلاقة حميمة وترجع تاني يوم تسيء الادب وتحقر وتنتقد وتلاقي نفسك مش فاهم فيه ايه ومش عارف تراضيها ازاي مهما عملت ومهما اشتريت هدايا ومهما قدمت تنازلات برضه مش راضية ومش مكتفية ودايما تحسسك انك مقصر ودايما انت قليل وتقارنك بازواج اخواتها وصاحباتها وباخوانك المهم انها تحسسك انها اتخدعت فيك وانك ضحكت عليها ووعدتها وعود كتير وماوفتهاش وانها كانت متخيلة ان حياتها حتكون سعيدة واحسن من كدة كانت فاكراك حتكون زي فلان ولا فلان وانت ولا ليك أي لازمة ولا بتعمل لها أي حاجة
٢- الزوجة النرجسية ممكن تصحى من النوم تلاقيها ملاك باربعين جناح بس تقول لها تجهز لك الفطار تلاقيها قلبت الشيطان الرجيم الا اذا هي عايزة منك حاجة بتستمر على الملائكية دي لحد ماتاخد اللي هي عايزاه وبعدين تديك وش الشيطان
٣- حتعزلك عن كل اللي حواليك وحتبدأ تطلع لك عيوب في كل اصحابك ، دة بيبص لها بصة مش تمام ودة عاكسها ودة قال ادامها كلمة بايخة ودة بيستغلك ودة مش بيحبك لحد ماتخليك ملكش أي صاحب الا لو هي لقت واحد منهم ضعيف او بيتملقها وبيمدح فيها يمكن تسيبهولك ، وتتحول على اخواتك واحد واحدواحدة واحدة وتثبت لك بالكدب والتلفيق انهم مش بيحبوك وعايزين يستغلوك ومحدش منهم بيخاف على مصلحتك وحتى امك كمان عايزة تخرب بيتك وتلاقيها توقع اخواتك في بعض وتوقعكم في سلايفها يعني هي كفيلة تخرب بلد بقوة عشر رجال نرجسيين لانها بتستخدم ضعفها وكيدها اكتر من الرجل النرجسي
٤- من كتر ما انت مش عارف تراضيها ومن كتر النكد ومن كتر الانتقادات اللي بتنتقدها لك الزوجة النرجسية بتلاقي نفسك بدأت تتلخبط هي فعلا طيبة وغلبانة وانا اللي ظالمها ولا انا اللي عصبي ولا انا رزقي محدود ومش قادر البي لها كل احتياجاتها ولا هي اللي طماعة ومش بتشبتع ومفيش حاجة بتملا عينها ، انت بتوصل لدرجة انك تشك في نفسك وفي مفاهيمك ومعتقداتك وتبدأ تتخلى أصلا عن نفسك وهويتك ومبادئك وتقبل منها اللي مكنتش تتخيل انك تقبله من حد ، لدرجة انك ممكن تسامحها علي اغلاط مستحيل حد يسامح حد عليها
ثقتك بنفسك اتهزت وعلاقتك بنفسك ساءت وكل دة هي بتوصلك له بخطط محسوبة ومش بترتاح غير لما تلاقيك تابع لها وياريتها ترتاح وتسكت لا ممكن تزهق منك وتروح تدور على غيرك
٥- الزوجة النرجسية الخفية تحديدا تلاقيها برة البيت ملاك وكل الناس تحسدك عليها وخدومة وتحب تدي وكريمة وكل صفات المثالية فيها ولكن وراء الأبواب المغلقة شيطان صوتها عالي وصريخ وشتيمة والعجيب الغريب انها ممكن تكون خارجة من بيت محترم جدا جدا محدش بيشتم فيه ابدا وتلاقيها هي بتشتم باسوأ الالفاظ وافظع الكلمات وخصوصا لاولادها لو انت أصلا حاطط لها حدود وماتقدرش تشتمك .
٦- انت بقى بقيت تايه مش فاهم نفسك ومش مهتم بشغلك ولا بمستقبلك ضعت في الزحمة من كتر ما انت مركز علي الهانم وطلباتها واحتياجاتها ومن كتر مابتحاول تراضيها عشان تحصل على شوية هدوء وسلام في البيت ومش عارف، انت بتلاقي نفسك بقيت حد تاني متنازل وخاضع ومستسلم لرغباتها واوامرها وراضي باللي بتعمله وسايبها تبهدل اولادك وانت مش عارف انت ايه وانت مين وبتعمل ايه هنا
خد بالك انت مشارك في الوضع السيء دة انت مشارك في كل الأخطاء دي لان انت ملكش عذر انت مربوط بيها بسبب مشاعرك وبسبب ارتباطك بالعلاقة الحميمة اذا قدرت تفوق نفسك من الحاجتين دول حتقدر تسيطر عليها وتحمي اولادك منها

















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية