الحماة النرجسي الخفي
قبل أي كلام شوفي فيديو الثلاثين سؤال عشان تعرفي اذا الكلام اللي حقوله بينطبق على حماتك ولا لا

اما الحما بقى فلو كانت نرجسي خفي فدي حتكون معاكي لطيفة جدا ومش باين عليها طبعا أي شر ولكن هي من وراكي بتنخرب لك وبتقلب جوزك بنفس طريقة الخفي برضه انها قلبها عليه وعليكي انتي كمان وانها بتحبك وعايزة مصلحتك بس انتيب تعملي الحاجة الفلانية دي بطريقة غلط وبتؤذيه وانتي مش واخدة بالك فالمفروض ان هو ينبهك وتقعد تقول له فهمها بالراحة وكلام من دة بعد ماتكون أصلا شحنته ضدك جدا وبكدة هو بيشوفها طيبة وبتحبك وواقفة في صفك وانتي اللي عندك مشكلة ، اذا اكتشفتي ان دة بيحصل يبقى لازم تكوني اذكى منها ولاتعلقي ولا حرف على كلامها ولا على تصرفات جوزك لما ييجي ينفذ اللي قالتهوله ، لازم يكون عندك ثبات انفعالي ولازم تكوني تعافيتي عشان تقدري تتعاملي معاهم هم الاتنين ،لازم لاتبيني أي رد فعل ابدا عشان ماتديهمش اللي هم عايزينه واذا الزوج أصلا مخدوع في امه وفاكرها ملاك فانتي ملكيش فيه ماتحاوليش تفهميه انها شريرة لانها غالبا مش بتجيب سيرتك غير بكل خير دا ظاهريا ، كمان الحماة النرجسي الخفي بيكون لها طرق ملهاش حصر في التخريب من غير الابن مايفهم زي ماقلت لك مرة انها تسأل عليكي كل يوم وهي مش بتيجي ليه وهي وحشتني ولما انتي تروحي تقلب لك وشها وتعاملك أسوأ معاملة لو هو مش موجود ولو هو موجود بتبقى حمل وديع وطبعا انتي تشتكي منها وهو شايفها بتحبك وبتسأل عنك فيشوفك انتي اللي وحشة وطبعا لو هو نرجسي فمابيصدق يمسك عليكي أي صفة سيئة ، كمان منضمن طرق الحما النرجسية الخفي انها تقعد مع ابنها تحكي عن فلانة بتعمل كذا لزوجها وفلانة بتخدم حماتها وفلانة بتسمع كلام جوزها وفلانة مش بتخرج من غير اذن جوزها اصله شخصيته قوية ، فلانة متقدرش تعمل كذا كان جوزها قتلها وهكذا تبين له انه مش راجل وملوش شخصية ويبدأ يطبق كل اللي هي بتقوله عليكي ،للأسف للأسف الأمهات دي بتخرب البيوت
طيب انتي حتعملي ايه معاها ؟ مهما سمعتي ومهما عرفتي انها عملت ولا قالت فكري كدة شوية لو انتي واجهتيها حتاخدي ايه ؟ هجوم منها ومن أولادها وبناتها ومن جوزك ومن جوزها وحتبقي منبوذة ومش مؤدبة وفيكي وعليكي ولو قلتي له امك شريرة حيعمل لك غضب نرجسي وممكن يضربك وممكن وممكن وممكن ،يبقى ايه الحل ،الحل هو الصمت وتقولي وافوض امري الى الله ان الله بصير بالعباد سواء تقوليها في وشهم او في نفسك وبس الاية دي بترعب النرجسي وجربيها وحتشوفي لانه عارف ان الله بصير بالعباد وعارف ان ربنا شايف اللي جواه فبيترعب فعلا ،فانتي ملكيش حل مع الناس دي غير كدة اذا انتي مضطرة تعيشي ، والشطارة بقى انك لما تقابليها ولا تبيني لها انها اتسببت في مشكلة ولا انك متضايقة منها ولا مش طايقاها ولا بتدعي عليها ليل نهار ، ابدا ابدا ماتبينيش انك متضايقة منها لان هي حتسعد جدا بدة وفي نفس الوقت حتلعب دور الضحية وانتيب تغلطي فيها وبتعامليها وحش وماسلمتيش عليها وهي مش عارفة انتيب تعملي كدة ليه وانتي مش بتحبيها ليه وطبعا ممكن تستفزك وتوصلك للغلط او الانهيار وياتاخد وقود سلبي ياتكسب دور الضحية على حسابك (ليه النرجسي بيحب دور الضحية) ،في المناسبات والتجمعات لازم تباني لطيفة جدا معاها وتسنديها وتقفي جنبها وتمثلي دور الابنة الرحيمة زي ماهي بتعمل بالظبط ادام الناس الحكاية دي بتجننها لانك كدة بتبوظي لها خططها في انها تشوه سمعتك ولو قدرتي تكوني ابنة رحيمة فعلا وراعيتيها لوجه الله وقدرتي تتغلبي على غضبك منها (ودة لو هي خفيفة شوية حتقدري ) فحيكون ثواب كبير لكي وتدخلي في زمرة والكاظمين الغيظ والعافين عن الناس ، ماقدرتيش يبقى مثلي ،المهم ان الناس دي لازم تتعاملي معاهم بنفس مستوى اللؤم اللي هم فيه وانا مش بقول لك اغلطي فيها ولا هينيها ولا أي حاجة تغضب ربنا انا بقول لك عامليها كويس ادام الناس والنية دي محدش شايفها غير ربنا انتي بتعامليها كويس لوجه الله جميل ،بتعامليها كويس عشان تتقي شرها وتحمي نفسك وسمعتك برضه جميل ومش حرام ، المهم يكون عندك ثبات انفعالي وتكوني فاهمة انهم كائنات مريضة ومتشخصنيش المشاكل بتاعتهم معاكي وافهمي ان المشكلة فيهم مش فيكي
المعاملة مع النرجسي الظاهر مستوى اول ممكن تكون زي الخفي