ازاي تساعدي ابنك او بنتك انها تشفى من النرجسية او تتقيها
(كتاب ثيريسا جاكسون وهي بتتكلم عن النرجسي بصفة عامة وانا شايفة ان الابن والابنة حيكون منطقي اكتر)
١- اولا النرجسي عشان يتغلب على نرجسيته لازم يدرك حالته فانتي كأم لازم توصلي له الكلام دة بشكل حنون وبالتدريج ومتعمليش له صدمة ، لازم تفهميه ان تصرفاته غلط ومحتاجة تتعدل بس بحب وحنية مش بزعيق فينفر منك وميسمعلكيش
٢- عشان تقدري توصلي المعلومة دي لابنك او بنتك لازم اصلا تكوني قريبة منه او منه جدا ولازم يكون واثق انك بتحبيه وبيثق فيكي واصلا يكون دايما فيه حوار بينكم مش عايشين في صمت وفجأة تقولي له تعالى نتكلم في تصرفاتك ، يعني انتي مطلوب منك تدوبي الجليد بينك وبينهم قبل ماتعملي معاهم حوار
٣- بعد ماتفهميه ان هو عنده مشكلة تبدأي تجزأيها له عشان يقدر يحلها واول جزء تناقشيه معاه ان هو انسان وان الانسان مش حيكون غير انسان مهما حاول ومهما عمل هو حيفضل بني ادم عمره ماحيكون ملاك ولا نصف اله وعادي ان البني ادم يغلط وعادي انه يفشل ودة الطبيعي وانه لازم يجرب الفشل عشان يعرف النجاح وانه مش لازم يكون الاحسن والاشطر والاقوى والافضل في كل حاجة عشان دة مستحيل يحصل لشخص واحد وان ربنا خلقنا خطائين وخير الخطائين التوابين فلازم يتخلص من فكرة انه الاحسن ويسعى وراها
٤- لازم تفهميه ايه هو الوقود النرجسي ويفهم انه مدمنه والادمان دة زي اي نوع من انواع الادمان فلازم يتخلص منه وممكن يساعده في التخلص منه طبيب نفسي ولازم نلجأ له عشان يساعدنا وطبعا دة مش حتوصلي له بسهولة ولا في يوم وليلة دة بياخد شهور وسنين وكله بيتوقف على عزيمتك وارادتك ، الجأي لربنا وهو حيساعدك وحيقويكي بس انتي خلي عندك ثقة فيه

ازاي النرجسي يساعد نفسه ؟
١- الوعي بالذات
النرجسي غالبا بيلاحظ انه فيه حاجة غلط في حياته لكن طول الوقت رافض انه يتحمل مسئوليته عن سوء حظه او مشاكله وعلطول عنده مبررات لكل غلط في حياته انه مش غلطه وانه غلط حد غيره وان معاناته بتتمثل في انه مش بيغلط ومش قادر يتحمل اغلاط الاخرين ، اذا النرجسي ادرك واقتنع ان طريقة تفكيره غلط وان نظرته للامور فيها عوار وانه محتاج يتعالج عشان يحل مشاكله من هنا ممكن تدخل المعالج . هل دة بيحصل ؟ هل النرجسي ممكن يقتنع انه غلطان وعنده مشكلة
٢- النرجسي لازم يعمل تقييم اكثر واقعية لنفسه
لو كل المحيطين بالنرجسي وقفوا إذعان للنرجسي وبطلوا يتعاملوا معاه بالطريقة اللي هو عايزها وبطلوا يخافوا منه وميقبلوش حماقاته ، لما كلهم مجتمعين يواجهوا النرجسي بحقيقة نفسه حيساعدوه في هدم الشبح اللي بيدير النرجسي لانهم بيبطلوا يعاملوه معاملة خاصة وممكن يوبخوه اذا لزم الامر ، بيختلفوا معاه ويتناقشوا ويوضحوا له غلطه وطبعا كدة بيحرموه من الوقود النرجسي ، هم كدة بيرفضوا المشاركة في الزيف اللي هو فرضه عليهم
٣- افعل ذلك بنفسك
قرار الالتزام بنظام العلاج . لازم قرار النرجسي انه يتعالج ميكونش عشان هو حاليا يشعر بالسوء (يعني مصدوم - ازمة مالية - كارثة حياتية ) او لان اللي حواليه ضاغطين عليه ، اولانه عايز يتخلص من شوية مشكلات مع زوجته مثلا او في حياته فيروح يتعالج علاج سطحي ويحتفظ بباقي الشخصية زي ماهو ، كمان مفروض انه موقفه من المعالج ميكونش حُكميا او ساخر او نقدي او تنافسي ، لازم مبيصش للمعالج على انه منافسة او بطولة كعادته مع اي حد . يعني باختصار لازم يكون بيفكر بشكل مختلف ويكون متواضع وينفتح ويتقبل مواجهة نفسه ، ويكون صادق في تزويد المعالج بالمعلومات و ينوي التغيير وميقاومش العلاج

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11