المتعاطفة ١١

ازاي تتجنبي انك تتحولي من شخصية متعاطفة لشخصية اعتمادية ؟
١- بطلي تحاولي تنقذي الاخرين على حساب نفسك وخصوصا النرجسي
٢- بطلي تتجنبي المواجهات والمحادثات الصعبة اللي النرجسي علمك تهربي منها لانك بقيتي بتخافي من هجومه عليكي . طبعا مش المواجهة مع النرجسي انتي عارفة الطريقة الصحيحة للتعامل مع النرجسي في سلسلة حلقات ازاي تتجاهلي النرجسي وسلسلة التعايش مع النرجسي ،لكن اللي في خطوبة مع النرجسي لازم تواجه عشان تفهمه من الأول ويبان لها ، وغير النرجسي بالنسبة لاي حد في حياتك العيلة او الاصدقاد لازم تتعلمي تواجهي وابدا ماتتكسفيش من انك تحرجي حد والكلام دة كله
٣- اتعرفي على احتياجاتك وحدديها زي ماقلنا في تمرين الحلقة اللي فاتت لانك عمرك ماتلبي احتياجاتك الا لو حددتيها ،ولما تحدديها حتكون اهم عندك منم احتياجات الاخرين ودي خطوة مهمة لان الاعتمادية مش بتعرف تلبي احتيجات نفسها
فكري كدة لو انتي لوحدك لمدة شهر ايه الاحتياج اللي حتحطيه اول أولوية لكي؟
٤- لازم تتعلمي تطلبي احتياجاتك من اللي حواليكي او البيه المسئول عنك وماتنتظريش انه يعرفها لوحده لان هو عكسك مش بيعرف غير احتياجاته فقط ،
٥- ابني حدودك ، كدة عندنا ثلاث حلقات في القناة بتتكلم عن بناء الحدود
٦- كوني مدركة لقيمتك واهميتك ،انتي انسانة مهمة ولكي قيمة زيك زي كل خلق الله ، بل انتي اكتر قيمة كمان لانك مساعدتك للاخرين اكتر من أي حد تاني ،انتي هبة الله للأرض والخلق ،لانك بتداوي جروح اللي حواليكي وبتساعديهم ع الشفاء من احزانهم والامهم انتي المتعاطفة نعمة لكل اللي حواليكي ،بس انتي فوقي من الغيبوبة اللي انتي فيها وانتي حتعملي كل اللي ربنا خلقك عشان تعمليه .

طيب ننتقل بقي لجزء مهم جدا في حياة الشخصية المتعاطفة
الصداقات
ليه النرجسي أصلا بيقدر يعزل المتعاطفة عن العالم بمنتهى السهولة؟
غير أي شخصية تانية ممكن تقاومه وتجادله ،لا مش حبعد عن اهلي ولا مش حسيب صاحبتي ، الا المتعاطفة بتسيب العالم كله بمنتهي السهولة ليه؟ لانها فعلا حبت النرجسي لدرجة انها استغنت بيه عن العالم ، وكمان لان الشخصية المتعاطفة منطوية الى حد ما ،او بمعنى اصح بتفضل العزلة ودة بيكون ناتج عن المعاناة اللي بيعانيها من المشاعر الناس السلبية دة لو ماتكلموش أصلا فما بالك لو اتكلموا فبالتالي بتلاقيها بتفضل تنعزل عن الناس اسهل لها ، انا واحدة من المتعاطفات بقول مش حقدر ادخل في صداقة جديدة لسبب مهم جدا اني مش حقدر اوفي الصداقة دي حقها لانها مسئولية وانا مش حقدر على مسئوليات جديدة ، وهكذا بتلاقي نفسك فجأة بقيتي لوحدك او لكي هي صديقة واحدة مثلا ،يعني بدون نرجسي المتعاطفة مش بتقدر تعمل صداقات كتير لانها بتكون صعب عليها جدا وخصوصا انها بتكون محل تفريغ مشاعرهم السلبية . وغير ان كتر الصداقات بيفرض عليكي التزامات بتجمعات كتير ودة بينهكك كمتعاطفة طبعا
ومع كل دة لابد من وجود صديقة مقربة في حياتك لازم حد قريب يشجعك وويساندك ويساعدك ويشوف ايجابياتك ويفكرك بيها ويعرفك انك حد له قيمة كبيرة
طيب دة بالنسبة للصداقة اما بالنسبة لباقي العلاقات ، يعني الناس اللي في حياتك ياترى انتي مصنفاهم ازاي
يعني ايه ؟ يعني فيه ناس مقربين ودول اللي مفروض تكوني بتحسي معاهم بالأمان وبتآمنيهم على اسرارك ومنهم الصديقة المقربة ، وفيه ناس انتي مش عارفة تصنفيهم لانك شاكة فيهم هل هم شخصيات جيدة ولا سامة ، والتصنيف الثالث هو الشخصيات السامة ، طيب انتي عاملة التصنيف دة لحياتك ولا انتي سايبة الدنيا مفتوحة بدون حساب ؟
حنعمل تمرين
هاتي كشكولك وارسمي ثلاث دواير جوا بعض ،يعني ارسمي دايرة صغيرة وبراها دايرة اكبر وبراها دايرة اكبر واكتبي في الدايرة الصغيرة أسماء الناس المقربين اللي حنسميهم دايرة الامان ، والفراغ بين الدايرتين الأولى والتانية حتكتبي أسماء الناس المشكوك فيهم وحنسميها دايرة الشك . والفراغ الأخير اللي بين التانية والثالثة حتكتبي أسماء الشخصيات السامة ودي دايرة الخطر
طيب عدد الأشخاص اللي في الثلاث دوائر دول مفروض ميقلوش عن عشر اشخاص ،حاولي تكملي العشرة ، وبعدين الحلقة الجاية حشرح لك مواصفات كل نوع من الثلاثة دول ونشوف بعد ما اشرحهم هل حتغيري التوزيعة بتاعتك ولا حتفضل زي ماهي ؟

جروب ادرس عدوك النرجسي
https://www.facebook.com/groups/kawthersanad11
صفحتي الخاصة للتواصل معي
https://www.facebook.com/kawthersanad1.wordpress/
رابط حلقة السيرة
https://youtu.be/odvq8soRpZ0