المتعاطفة (٤)
بما اننا بنتكلم عن المتعاطفة خصوصا زوجة النرجسي ،فلازم نتكلم عن التأثير السلبي للنرجسي عليكي اللي انتي طول الوقت حاسة بيه حتى لو هو قاعد ساكت ومش عامل مشاكل ، فاكرين لما قلت لكم مرة انه أحيانا تحسي بيه وكـأنه نذير شؤم نذير شؤم ، اهو الإحساس دة هو تأثير النرجسي ، طيب الكلام دة بيحصل ازاي ؟ هو أصلا طول الوقت مش راض لا عن نفسه ولا عن ربنا وطول الوقت جواه غضب وغليان وانتي كشخصية متعاطفة بتمتصي مشاعر اللي ادامك يعني ايه بتمتصي مشاعر اللي ادامك انتي الخلايا العصبية المسئولة عن الإحساس بالاخر عندك شديدة الحساسية فانتي بتحسي بكل النار اللي جوة النرجسي لما بيكون غضبان وطبعا بتتأثري بيها داخليا فمجازا بيتقال انك امتصيتي المشاعر دي ، طيب حنحل المشكلة دي ازاي ؟الحل في حمام بالملح !!!!! انا برضه استغربت بس استغربت اكتر لما لقيت ناس كتير عارفة المعلومة دي ومجرباها وانا بصراحة انتبهت لتأثير نزول البحر علي وطبعا مكنتش فاهمة السبب لكن واضح انه ماء الملح او ملح البحر لاني كنت اقعد أسبوع تقريبا منشرحة جدا ومرتاحة ونفسي مختلف وكل شيء في بيختلف بعد نزول البحر بخلاف البيسين هو كويس لكن مش زي البحر ، طيب حنعمل ايه حنجيب كوباية ملح ايبسوم دة اللي هو الملح الإنجليزي اعتقد موجود عند العطار ، ونص كوب بكينج صودا اللي بنستخدمها في الخبز و نص كوب ملح البحر سواء هيمالايا واو ملح البحر الصخري او أي ملح بتاع الاكل ، وتحطي في البانيو حوالي ربعه مية سخنة تدوبي فيها الملح وبعدين تزوديها لحد ماتكون معقولة وتقعدي فيها تلت ساعة او ربع ، ولو مفيش بانيوا هاتي طبق الغسيل وحطي فيه واافضلي صبي على نفسك المية لمدة ربع ساعة او عشر دقايق على اد ماتقدري ، بعد ماتخلصي بتشطفي جسمك كويس لان الملح بيمتص السموم من الجلد ويخرجها برة فلازم الجلد يتشطف كويس وكمان الملح ممكن ينشف الجلد .
طيب ازاي بقى تحمي نفسك من طاقات الناس لما تكوني في مكان زحمة زي التجمعات العائلية او السوق والسوبر ماركت او المؤتمرات الكبيرة ؟ والاهم من كل دة قبل رجوع النرجسي للبيت أيا كان هو مين ابوكي امك اخوكي زوجك. المهم حتقعدي من خمس لعشر دقايق في مكان لوحدك وياريت لو في اتجاه القبلة وتسترخي وتعملي تمرين التنفس وتبدأي تقولي ايات وجعلنا من بين أيديهم سدا ومن خلفهم سدا فاغشيناهم فهم لايبصرون وتحوطي بيها نفسك قولي كتير وصلي ع النبي كتير والناس المسيحيين اكيد عندهم ادعية يقولوها يحصنوا بيها نفسهم ،المهم انك لازم تعملي كدة عشان تحصني نفسك والل تعرف ايات التحصين تقولها هاتيها من النت وقوليها ، قولي اذكارك كل يوم وحصني نفسك بيها ،
مهم جدا تعملي حسابك انك لو رحتي تجمعات او اجتماعات انك تكوني محددة الأشخاص اللي حتكوني قريبة منهم واختاري ناس ايجابيين وكلامهم إيجابي وابعدي عن المعروفين بالغيبة والنميمة ، لما تلاقي نفسك ارهقتي ادخلي الحمام اغسلي وشك او انفردي بنفسك خمس دقايق بس عشان تقدري تكملي ومش لازم تقعدي لاخر التجمع او اخر الحفلة يعني ممكن تستأذني بدري ، اشربي مية كتير طول مانتي موجودة في وسط ناس كتير لان المية بتقلل التوتر لان الجفاف بيسبب التوتر ويزوده ، اذا مش عايزة تتكلمي مع حد تجنبي التواصل البصري ، حاولي تندمجي في حديث انتي شغوفة بيه مع حد انتي بترتاحي له ،
كل الكلام دة تعمليه في بيتك لما يكون النرجسي موجود اتكلمي مع اولادك واشغلي نفسك باي حاجة نفس الكلام نفذيه في البيت

جروب ادرس عدوك النرجسي
https://www.facebook.com/groups/kawthersanad11
صفحتي الخاصة للتواصل معي
https://www.facebook.com/kawthersanad1.wordpress
رابط حلقة السيرة 
https://youtu.be/_lfRaz_ZnSo