الشخصية المتعاطفة

المتعاطفة (١)
كتاب امباث وركبوك، للمعالجة كريستا كاربنتر ،
كريستا في الأول بتعرف لنا المتعاطفون ببساطة وبعدين بتقول لنا الفرق بين التعاطف والمتعاطف
يتمتع المتعاطفون بالقدرة على استخدام التعاطف بالإضافة لمواهبهم الفريدة في اشفاء الناس من حولهم
ايه الفرق بين التعاطف والمتعاطف
التعاطف
هو القدرة على فهم وحتى تجربة مايشعر به الشخص الاخر ، يعني تصور نفسك مكان الاخر والشعور بما يشعر ودة بيتيح لنا فهم الاخرين وفهم انفسنا وفي نفس الوقت التعاطف بيمنع الشخص من انه يؤذي الاخرين لانه بيحس بيهم
الشخصية المتعاطفة
اذا قلنا ان التعاطف هو فهم وادراك عقلي لمشاعر الاخرين فالمتعاطف بيعدي الكلام دة بمراحل ، المتعاطف بيشعر بألم الاخرين النفسي والجسدي أحيانا بيحس الألم كما لو كان هو صاحب التجربة المؤلمة ، يعني المتعاطف اذا كان في مكان وموجود في المكان دة شخص مصاب بخيبة امل وقلبه مكسور تلاقي المتعاطف يحس بيه وباللي هو حاسه من غير ما الاخر دة يقول حتى انه عنده مشكلة ومهما حاول يداري برضه المتعاطف بيحسه ، لدرجة الشعور بالصداع والم المعدة واي الم جسدي

طيب ايه السبب في تكوين المتعاطف دة ؟
فيه ورقة بحثية بتقول ان فيه في الفص الامامي في المخ خلايا اسمها الخلايا العصبية المرآتية ودي بتكون مسئولة عن الشعور بالام الاخرين فالخلايا دي بتكون شديدة الحساسية عند بعض الناس وهم دول اللي سموهم المتعاطفين ومن اهم مميزاتهم انهم عندهم ادراك عالي جدا لاحتياجات الاخرين وعدم القدرة على ادراك احتياجات انفسهم خصوصا في حالة الضغط النفسي
ونتيجة الحساسية المفرطة للخلايا دي عن المتعاطفة او المتعاطف بيكون أصلا عامل زي الانتنة ، الاريال بتاع التلفزيون او الديش اللي بيلقط كل الإشارات من اللي حواليه ومن غير مايقصد ولا يقرر يلقط ايه وميلقطش ايه فبتلاقيه بيلقط الإشارات من كل اللي حواليه واحساسه بيهم عالي جدا ،

كمان فيه أبحاث بتقول ان النوع دة من البشر بيكون عنده حساسية عالية في الحواس الخمسة وبالتالي بيكون عندهم قدرات اعلى من الناس زي ما حنشوف في الحلقة الثالثة عن القدرات ا الخارقة للعادة عند المتعاطفين ،كمان الأبحاث بتقول ان النوع دة من الناس بيكون الجهاز البيولوجي العصبي عندهم شديد الحساسية وبالتالي بيمتص كل الطاقات بدون فلترة مش بينقي ياخد ايه ويسيب ايه فبالتالي المتعاطف بيكون محتاج ينظف طاقته باستمرار لانه بيصاب بالقلق والاحساس بالهم بشكل زيادة جدا عن الناس.
من اكبر مشكلات المتعاطفة انها بتمتص مشاعر وطاقة من الاخرين بدون وعي منها ولا إرادة يعني هي مش بتكون عايزة تمتص فبتمتص لا هي لا ارادي بتمتص الطاقة دي والمشاعر بتاعة اللي حواليها تلاقيها لما تقعد مع حد متضايق تكتئب وتتعب ، حنتعلم في الحلقة الرابعة ان شاء الله ازاي حنحمي نفسنا من امتصاص الطاقة دي ، هي قالت حاجة بالنسبة لي غريبة بس انا حقولها لكم من باب الأمانة وحبحث عنها برضه وانتم ابحثوا وياريت تقولوا لي في التعليقات لقيتوا ايه؟ هي بتتكلم عن الاستحمام بالماء المالح ، حنقوله بالتفصيل ان شاء الله بس ياريت الناس تبحث عن الموضوع بشكل علمي وتقول لنا في التعليقات ، هي بتقول انها بتعملها لما تحس انها مثقلة بهموم وطاقات الناس ، وقالت كمان انها حتورينا في الفصل الثاني ازاي نحمي نفسنا من مصاصي الطاقة والشخصيات السامة زي النرجسي


جروب ادرس عدوك النرجسي
https://www.facebook.com/groups/kawthersanad11
صفحتي الخاصة للتواصل معي
https://www.facebook.com/kawthersanad1.wordpress
رابط حلقة السيرة
https://youtu.be/eId9lyc5drs