ما عليك سوى الانتساب إلى هذه القناة للاستفادة من المزايا:
https://www.youtube.com/channel/UCHAjAlwOL2ILGxbSHqzK5hA/join
حجز الاستشارات : https://kawthersanad.net/
رقم واتساب ٠٠٢٠١١٥٠٥٨٦٠٥٢
خطة التخلص من الشخصية الاعتمادية ١٢ خطوة في ثلاث حلقات
الاعتمادية ١٥ – ال ١٢ خطوة للتخلص من الشخصية الاعتمادية
هل انتي شخص مش بيحس ان له قيمة الا اذا حد شكرك على حاجة عملتيها له ، هل انتي عندك ادمان حل المشاكل هل انتي ماتقدريش تشوفي حد متضايق او زعلان غير لما تشوفيه ماله وتخليه يبقى مبسوط هل انتي ماتعرفيش تقولي لا لحد حتى لاولادك ، هل انتي مدمنة اصلاح واسعاد الاخرين ،هل انتيب تحطي احتياجاتك اخر حاجة في اولوياتك؟ هل النرجسي بيستغل الصفات دي كلها فيكي ؟ اذا اجاباتك ع الأسئلة دي اه فانتي شخصية اعتمادية ولازم تعملي ال ١٢ خططوة اللي حقولهم لك النهاردة عشان تتخلصي من الشخصية الاعتمادية
١- الخطوة الأولى : الخطوة دي مهمة جدا لان بيها بتعرفي انتي واقفة فين ، الخطوة دي انتي حتتعرفي على انتي عاجزة عن ايه عشان تعرفي انتي تقدري تعملي ايه ، الحاجة الوحيدة اللي البني ادم عاجز عنها هي تغيير بني ادم تاني بشكل مباشر ،يعني ايه يعني انتي ماينفعش تقولي لحد انت مش عاجبني كدة ولازم تتغير وتبقى كدة ، ماينفعش تقولي للنرجسي انت لازم تتغير وتقعدي تستني انه يتغير ماينفعش تفضلي تبذلي مجهود خرافي في ارضائه عشان يمكن يفهم ويتعلم ويتغير ، انتي عاجزة عن تغيير النرجسي لو فهمتي كدة حتبدأي تشوفي البديل مين اللي ممكن اصلحه طالما مش حينفع اصلح النرجسي؟ نفسك وهنا فايدة الخطوة انك حتلتفتي عن النرجسي ومحاولات إصلاحه وتلتفتي لنفسك وتحاولي تصلحيها ولما تغيري نفسك النرجسي حيغير معاملته لكي
٢- الخطوة التانية : هي بتقول في الكتاب ان لابد من اللجوء لقوة الروح وقالت شوية كلام معناه ان لما نعجز لازم نلجأ لحد اقدر واقوى مننا وبعدين لسبب ما انا مش فاهماه قالت انا مش بتكلم عن الدين انا بتكلم عن الروحانيات ، انا بقى كوثر سند بتكلم عن الدين والروحانيات الدينية بس حبيت انقل كلام الكاتبة لكم من باب الأمانة لاني بترجم كتابها ، المهم الخطوة دي بلغتنا معناها لما تضيق بكي السبل روحي على بابه واخلعي كل قدراتك وعلمك ومالك وجمالك وكل ماتملكين من حطام الدنيا واقفي ع الباب وناجي ربنا وقولي يارب انا محتاجة مساندتك انا مليش غيرك يارب وكوني على يقين بالاجابة مش عشان انتي كويسة ولا بتحافظي ع الطاعات لا عشان هو يقدر يعمل لك اللي انتي عايزاه وعشان هو قال انه يجيب الداع اذا دعاه وهو حاشاه يقول ومايعملش فلازم تدعي وانتي واثقة من الإجابة معندكيش ذرة شك ، وطول ما انتي متيقنة ان فيه رب بيحاسب وبيجازي طول ما انتي حاسة بالأمان وعارفة ان حقك مش حيضيع وانك بتركني على ملك الملوك القاهر فوق عباده اللي محدش يقدر عليه ولا يقدر يهرب منه لما يكون هو حاميكي ومحاميكي ووكيلك حتخافي من مين ومن ايه وعلى ايه ؟ من الاخر كدة اعتمدي على الله وحده
٣- الخطوة الثالثة : الخطوة دي حتكون نتيجة حتمية للخطوة اللي فاتت وهنا الكاتبة اتكلمت عن الرب بشكل مباشر وقالت انها سلمت ارادتها للاله وبين قوسين كدة الاله بحسب فهمك له، المهم برضه احنا حنتكلم في الخطوة دي بلغتنا ، احنا ربنا مدينا فهم ولغة روحانية بفضله ومنته وكرمه علينا انه رزقنا بالإسلام اللي معناه التسليم اللي هي بتقول عليه ،احنا الطبيعي بتاعنا اننا نكون مسلمين نفسنا وارادتنا لله وحده فلما بنغير الفطرة السليمة وبنسلم نفسنا وارادتنا للي حوالينا او للنرجسي او لاي حد فلازم كل حاجة تتلخبط ، اللي حصل ان الشخصية الاعتمادية بتسلم زمام روحها للاخرين وتستنى منهم يمشوها بالنظرة ،النظرة الحلوة ترفعها سابع سما والنظرة المتجهمة تنزلها سابع ارض ، الكلام اللي بتاخده من الاخرين هو اللي بيكون حالتها النفسية ، هي مش معتمدة على الله هي معتمدة ع الاخر هي مش مسلمة روحها لربها لا نهائي بالرغم من انها بيتهيأ لها انها بتخدم وتتعاطف وتطبطب لوجه الله لكن للأسف زي ماقلت لكم قبل كدة بيكون ناقصنا الإخلاص وانا واحدة من الناس مريت بالكلام دة في مرحلة من مراحل حياتي وكان يتقال لي من الناس الكبار ناقصك الإخلاص وكنت ازعل وأقول ازاي انا بعمل كل حاجة لوجه الله لكن بعدين لما ربنا أراد ينور بصيرتي فهمت اني مكنتش بعمل لوجه الله خالص لا كان فيه شوائب وجه الناس كان في عملي انتظار الاستحسان من الناس وكلمة كويسة او شكر او تقدير لاني كنت شخصية اعتمادية والحمد لله ربنا عفا عني وخلصني منها
حنكمل الخطوات في الحلقة الجاية ان شاء الله

















#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية