لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
الاعتمادية ٧ انا مش سعيدة في الحياة معاه لكن ماظنش اني اقدر أعيش من غيره
الشخصية الاعتمادية بتخاف الى حد الرعب من الوحدة ، بتخاف تعيش لوحدها مش طايقة النرجسي لكن خايفة متلاقيش حد يعتني بيها وهواصلا عمره ما اعتنى بيها ،هي عايزة حد أي حد يعتني بيها بأي تمن لان هي متخيلة انها مش حتعرف تعتني بنفسها ،
لو انتي شخصية اعتمادية فانتي ممكن تكوني هشة وضعيفة وممكن تكوني قوية وصامدة وفي الحالتين انتي جواكي طفلة ضعيفة وخايفة ومحتاجة للحب والرعاية ويائسة تماما وشايفة ان كل الناس اتخلت عنها واسائت لها وخذلتها ورفضتها وعمر ماكان فيه حد موجود عشانها ابدا ولا عمرها اتشافت ولا اتسمعت ولا اتحس بيها ولا حد فكر في احتياجاتها ولا حسها ولا حيكون فيه حد يعمل دة ابدا .
دة بيخليكي تبقي شايفة ان اللي حواليكي اقوى منك او احسن منك واحيانا تحسي ان نظرتهم لكي فيها انتقاص وتقليل ،واحيانا تشوفي انهم عندهم مميزات مش عندك وبالتالي بتحسي انك اقل منهم وبالتالي تقديرهم لكي حيحسن احساسك بنفسك وحيظبط لك مودك شوية فتبدأي تعتمدي عليهم في دة ولما تلاقي بغيتك عندهم تبدأي تتعلقي بيهم لكن هل هم بيدوكي حب؟ لا هم بياخدوا منك كل حاجة في مقابل انهم أحيانا يشعروكي بالتقدير وعشان انتي متلهفة للتقدير دة ومتلهفة لاي نوع من أنواع القبول ولو كان قبول ظاهري وللمصلحة ومش حقيقي فانتي بتقبليه لانك مش لاقية غيره أصلا ودة اللي بيخليكي الى حد ما تتمسكي بالنرجسي اكتر
احتياجك للناس في حياتك بيكون بشكل مبالغ فيه لدرجة انك سهل جدا تكوني تحت سيطرة الاخر لانك متخيلة ان الاخر دة بيقدر يعمل كل حاجة انتي مش بتقدري ولا حتقدري تعمليها ودة لانك مش عارفة قدراتك ولا نقاط قوتك فبالتالي بتبدي ترتبطي بالاخر بشكل غير سوي وتتعلقي بيه تعلق مرضي وتتخيلي ان حياتك مش حتستمر من غيره لانه بيعمل لك كل حاجة انتي ماتعرفيش تعمليها وفي حالة ان الاخر سوي فلازم تفشل العلاقة لان مستحيل حد سوي يقدر يكون متواجد في حياة حد بشكل دائم ومستمر بالشكل اللي الشخصية الاعتمادية عايزاه واذا كان الاخر شخص مستغل فالعلاقة برضه بتفشل لانك بتفضلي تدوري ع الحب المفقود في العلاقة ومش بتوصلي له وبتوصلي لنقطة انفجار بتنتهي فيها العلاقة
لكن بنواجه هنا خوف الشخصية الاعتمادية المرضي من الوحدة ولازم نفهم ان من اكبر أسباب الخوف من الوحدة هنا هو اعتقادك انك مش حتقدري تراعي نفسك او انك انتي فعلا مش عايزة تراعي نفسك لانك مزروع جواكي انك اذا راعيتي نفسك حتكوني انانية واللي حواليكي مش حيحبوكي وحتكوني منبوذة ودة اللي اتزرع جواكي وانتي طفلة عشان كدة بتدوري على حد يراعيكي من غير ماتفقدي احترام وحب اللي حواليكي .
طيب حل المشكلة دي فين ،حنعمل ايه عشان نتخلص من الاعتقاد دة
ابحثي في علاقاتك عن علاقة سوية فيها حب غير مشروط ،دوري على حد من اهلك او صديقاتك يكون بيحبك فعلا بدون مصلحة ولا احتياج لكي ،حد بيحبك زي ما انتي دوري وفكري واكيد حتلاقي حد دايما يظهر لك في الازمات ويقف جنبك ويسندك وبعدين يبعد وكل ماتحتاجي له تلاقيه جنبك ، حد بيسكت ويسأل عنك من غير مايكون عايز منك حاجة ، حد لما بتحتاجي نصيحة بتلاقيه بينصحك برفق وحب وبينك وبينه وبيكون حريص ان كلامه مايوجعكيش ، حد بيقدر عطائك مهما كان قليل وتافه ، حد دايما بيفكرك بمميزاتك ويرفع معنوياتك ، دوري حتلاقي اختك او امك او اخوكي او ابوكي او جدتك او عمتك او خالتك او صديقتك واحيانا حد من اولادك ،مستحيل ان الحياة تخلوا من شخص واحد سوي بيحب حب غير مشروط ،اول ماتلاقيه قربي منه لكن باتزان ماتعتمديش عليه غير في انك تاخدي منه الحب السوي الغير مشروط ،ماتعتمديش عليه في تقديرك لذاتك لان انتي أصلا لما تعرفي طعم الحب الغير مشروط حتلاقي نفسك عرفتي تقدري ذاتك بنفسك