لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
الشخصية الاعتمادية (٦)
تعريف الاعتمادية
الشخصية الاعتمادية ودور المضحي والضحية
من ضمن مشاكل الشخصية الاعتمادية انها تعتني وتنقذ وبعدين تاخد دور المضطهد اللي الكل بيستغله ومش بيهتم بيه وبياخد منه ومايديهوش وبعدين تلاقي نفسها في دور الضحية ، هي بتحط نفسها في دور الاب الروحي للعالم كله وبتراعي أي حد ييجي في طريقها ،كمان هي مش بس بتراعي لا هي بتتوقع احتياجات الاخر وتلبيها من قبل مايطلبها عشان كدة هي بالنسبة للنرجسي زوجة مثالية (طول ماهو ملقاش افيد منها) .. طيب انتي مش بس كدة لا انتي كمان بتحبي تقومي بدور المنقذ ازاي؟ تنقذي الاخر من مسئولياته وواجباته وتعوديه على انك بتقومي بيها بداله وبعدين هو بيستمرئ دة وبيتمادى ويشيلك اكتر وانتي تمام مش بتعترضي لحد ماتعوديه على انك شيال الحمايل زي مابيقولوا وبعدين فجأة تلاقي نفسك مااخدتيش كلمة شكرا اللي هي أصلا غذائك اللي بتعملي كل دة عشانه ، فيحصل ايه بقى يحصل انك ؟؟
بعد ما كنتي
بتعملي حاجة انتي مش عايزة تعمليها
تقولي اه لما عايزة تقولي لا
تعملي واجب حد مفروض انه يعمله ويقدر يعمله
الاخر بيشيلك مسئولية مش بتاعتك من غير مايسألك ولا يشوف حتقبلي ولا لا وبتلاقي نفسك شايلها وبتقومي بيها
بتاخدي شير العمل بدون عدل وبرضه قبل ماتوافقي
بتدي اكتر ماتاخدي وتصلحي مشاعر الاخر بكل قوتك
تفكري بدل الاخر وتتكلمي بداله وتدافعي عنه وتحلي مشاكله وتهتمي بيه اكتر ماهو مهتم بنفسه وتهملي نفسك وماتطالبيش باحتياجاتك
طيب اثناء كل دة انتي حاسة بإيه ؟
عدم الراحة والارتباك بسبب مشاكل الاخر
الشعور الملح بانك لازم تعملي حاجة عشان تحلي له مشكلته وحاسة بالشفقة عليه
الشعور بالذنب والقلق والخوف وانك لازم تعملي حاجة لانك شايفة ان الاخر عاجز عن انه يحل مشكلته (وطبعا النرجسي اما عاجز او انه بيوهمك بعجزه عشان يستغلك بكل الطرق) واذا كان الاخر دة اولادك فانتي بتخلقي منهم اشخاص عاجزين بسبب محاوطتك لهم ورعايتك الزيادة عن اللازم
كل دة حكاية واحساسك انتي الداخلي بنفسك حكاية تانية ، طبعا انهاك وتعب وازاي كله معتمد عليا ومحدش بيعمل حاجة وانا في اخر اولوياتهم وانتي مش واخدة بالك انك انتي اللي حاطة نفسك في اخر أولويات نفسك فما بالك عند الاخرين ،ويبدأ مودك يتغير ويبان عليكي التجهم والغضب والضيق من اعتماد الاخر عليكي وطبعا مع النرجسي بتكون فرصته انه ينقض عليكي بعد ماوقفتي جنبه لانه طبيعته انه يتحين الفرص عشان يقلب عليكي بعد ماتقفي جنبه عشان يثبت لنفسه ولكي انك ملكيش فضل عليه ، وفي الوقت دة انتي بتبدأي تنزوي وتبعدي وتاخدي جنب وتعيشي دور الضحية ويبقى شعارك ان كل ما اقف جنبه لازم بعدها يعاقبني ،طيب انتي جربتي مرة واتنين مش مفروض ماتعمليش الثالثة؟ مش مفروض توقفي مساعدته وتبطلي تقفي جنبه؟ طبعا مش بتقدري لانك مدمنة اصلاح.
الحكاية دي بيسموها في علم النفس مثلث الدراما
انقاذ -اضطهاد – ضحية والمثلث دة بيؤدي الى كره الذات ،انتي بتسميه مثلث حب لانكب تتخيلي انك بتعمليه نتيجة حبك للاخر ،لكن هم بيسموه مثلث كره لانكب تكرهي نفسك بسببه
طيب نعمل ايه ؟
تمرين الحلقة
١- اكتبي قائمة بمسئولياتك بالتفصيل تجاه الجميع(مسئولياتك بس اللي مفروض تعمليها مش اللي انتيب تفرضيها على نفسك واذا مش عارفاها اسألي اقرانك عن مسئولياتهم واتعلمي واتعرفي على مسئولياتك )
واكتبي كمان قائمة بمسئوليات الأشخاص اللي انتي عايشة معاهم ،واذا فيه مسئولية مشتركة اكتبي نسبة مشاركتك فيها اد ايه ، كام في المية وشوفي النسبة دي عادلة ولا لا
راعي انك ماتعمليش أي حاجة من مسئوليات الاخرين الا في حالة اضطرار وعجز الاخر فعليا عن انه يقوم بمسئولياته زي المرض او أي ظرف قاهر مش بناء على تقديرك انتي ،ولازم الاخر يطلب منك انك تاخدي المسئولية ماتتطوعيش ومن حقك أصلا ترفضي
٢- حاولي تراقبي مثلث الدراما ،راقبي نفسك لما تبدأي رحلة انقاذ الاخر وراقبي تغير مودك وابدأي تخرجي نفسك من دور المنقذ وقولي لا لما تحسي انك مش عايزة تقومي بالدور دة ، بطلي تخمني الناس عايزة ايه ولما تلاقي نفسك بتعملي كدة علطول اسألي نفسك هي عايزة ايه هي أولى ،
ماتعمليش حاجة مانطلبتش منك ابدا استني لما اللي قدامك يطلب منك عشان يفهم انك اعطيتيه حاجة مش مبتاعته وانك تفضلتي عليه وانه لازم يدفع تمنها عشان يتعلم مايستغلكيش ولا يستغل غيرك
كوني اد مسئولية نفسك وتقبلي اعتراضات الاخرين على إيقاف رعايتك لهم وكوني هادية وماتنفعليش لما يعترضوا واذا بيهموكي فهميهم انك مشغولة وعندك التزاماتك ولازم تنهي تاسكاتك الأول