شرح Design Patterns||Adapter Pattern||مشاكل برمجية مكررة وحلولها | [معتمد]

دورة معتمدة اون لاين مجانية ببساطة الـ Design Patterns هي ناتج التطور التطبيعي لتاريخ البرمجيات , ازاي ؟ نجيب الموضوع من الاول , مع بداية ظهور البرمجيات كانت بتتكتب بطريقة Sequential بمعني إنك بتكتب البرنامج بتاعك كله عبارة عن مجموعة سطور من الـ Code تحت بعضها بتتنفذ بالترتيب و دي كان اسمها الـ Sequential Programming. بعد فترة ومع وزيادة احجام البرامج بدأوا يلاقوا ان الكود بيتكرر كتير فده وصلهم انهم ممكن يجمعوا الأكواد اللي بتتكرر دي في مكان واحد وكل ما نحتاجهم نستخدمهم وهنا ظهر مفهوم الـ function و دي كان اسمها الـ Procedural programming. ومع ازدهار عصر البرمجيات بطريقة كبيرة وسريعة بدأ يتجه التفكير الي إن ازاي نسهل البرمجة علي المبرمجين بأنها تكون اقرب لطريقة تفكير الإنسان و فالوقت ده ظهر الـ OOP - object oriented programming وهو انك بتقسم السوفت وير لمجموعة classes و بتحدد علاقاتها ببعضها و الـ behavior بتاعها ودي اقرب حاجه للحياة الطبيعية و طريقة تفكير الانسان قدروا يوصلولها لحد دلوقتي. لحد هنا كويس , طبيعي وانت شغال كـ software engineer بتواجهك مشاكل وبتفكرلها في حلول وبتحلها , ومع الوقت في مجموعة مشاكل بقت بتتكرر مع ناس كتير وبقت مشاكل مشتركة , وبدأ المبرمجين يعملولها طرق حلول (patterns) ويطوروا طرق الحلول دي وتبقي طرق موحدة بتسهل عليك حل مشاكل معينة بعينها لما تقابلك (وهتقابلك) وهي دي الـ design patterns. فهي ببساطة مجموعة حلول لمشاكل common هتقابلك بطريقة متكررة وانت شغال. بس لازم يكون واضح انها مش أكواد او حاجه تتحول لكود هي مجموعة خطوات لحل مشكلة معينة , انت بترجمها لكود بعد كده. TheNewBaghdad ||Repeated problems and their solutions