نصائح لانشاء سيرة ذاتية ناجحه للقبول فى وظيفتك القادمة

نصائح لاهم اخطاء شائعة في كتابة السيرة الذاتية من مدير التدريب بشركة كبيرة (مستر صادق مجدي)
في البداية كنت مع مستر صادق و اتكلمنا عن اهم الاخطاء البيقابلها مع المتقدمين للوظائف و بما انه اجري اكتر من الف مقابلة شخصية وطبعا شاف ضعف العدد سير ذاتية ، قلت اعمل مشاركة عن نصائحه للجميع.
1- لا تستخدم خلفيات و الوان و خطوط و تنسيقات كتير في السيرة الذاتية ، خليك بسيط ، خط كبير للعناوين و الباقي بنفس الخط لكن اصغر ، بلاش تحاول تبهر الشركة بالالوان و الكلام دا.
2- لازم تتأكد ان السيرة الذاتية صحيحة سواء من حيث القواعد او حروف الكلمات و هو استخدم مثال وقالي bachelor of low ، طبعا فضايح يا جماعة :D ، وقال لازم تستخدم اي برنامج spell checker علشان تضمن الكلمات كلها صحيحة
3- لازم تكتب بشكل احترافي مهامك الوظيفية الكنت بتعملها في الوظائف السابقة بشكل مختصر ، مش تحكي قصة و في نفس الوقت مش سطرين وخلاص.
4- بلاش السيرة الذاتية تكون كبيرة (4 صفحات مثلا) او صغيرة (نصف صفحة) ، الطبيعي من صفحة الي اتنين مكتوبة بشكل احترافي. في حالة مديري الشركات الكبري و اي شخص عنده خبرة كبيرة جدا ممكن تبقي 3 صفحات ولكن مع الاغلبية من الناس كفاية اوي صفحتين.
5- خليك واضع في ال career objective و بلاش تكتبه كنموذج من الانترنت زي باقي الناس ، مش هيبقي له اي معني. اكتبه صح و اكتبه بشكل حقيقي.
6- الهوايات ، ناس كتير بتكتب كرة قدم و قراءة و سباحة و كلام كتير الشركة مش عايزة تعرفه اصلا ، انت شخص محترف بتقدم علي وظيفة و الشركة مش محتاجة تعرف الكلام دا.
7- الايميل بقي  دا بنشوف فيه اذا كان الشخص محترف ولا ايه ، الصح انك تعمل ايميل باسم الاول و اسم العائلة مش تعمل حاجات زي 
[email protected], [email protected], [email protected], [email protected], [email protected]
واحد بيقولك مفيش امل لي اشغله ازاي دا؟ 
8- رقم موبايلك مهم جدا و مفيش داعي تضع موبايل حد من الاسرة ، لو الموبايل مغلق بنبعت رسالة برقمنا علشان تتصل بنا. لو وضعت رقم اخوك مثلا و اتصلنا به و قال انه مش رقمك خلاص كدا انت خرجت من حسابتنا لان يهمنا الاحترافية و الالتزام.
9- كتابة مؤهلك الدراسي بشكل سليم و فيه كل المعلومات مهم جدا و دي بنشوفها في السير الذاتية ، في ناس كتير بتكتبه غلط و بتنسي تقول تاريخ التخرج
10- ال cover letter جزء مهم جدا من السيرة الذاتية و بنشوف الشخص دا محترف و جاد ولا لا.
11- استخدم صورة مناسبة علي السيرة الذاتية ، مش صورة سيلفي او صورة من الفيس بوك.
شكرا يا مستر صادق علي النصائح و اعتقد انا قلت كتير منها علي مدار الكام سنة الماضية ، بس انت جمعتها في مكان واحد