للتواصل معنا
انهاردةهنتكلم عن تجربة أفضل تطبيق تتعلم منه إنجليزى بطريقة ممتعه جدا.
أكتر مشكلة بتقابل أى حد عاوز يحسن لغتة الإنجليزية, هي كثرة المصادر اللي ممكن يتعلم منها.
وبيبقى مش عارف يتعلم منين, هل من اليوتيوب ولا مواقع ولا كتب؟؟ طيب هل يتعلم جرامر ولا كلمات ولا نطق؟؟
ومن هنا بتكون بداية النهاية لأى حد عاوز يطور مهاراته في اللغة الإنجليزية.
إنهاردة بنقدملكم حل سهل وبسيط وهيحللك كل المشاكل اللي فوق دى, يعنى مش هتدور كتير ومش هتحتار تذاكر منين.
>>> أفضل تطبيق لتعلم الإنجليزية.
تطبيق HELLO ENGLISH , ببساطة التطبيق ده بيحللك مشاكل كتير جدا وبيوفر عليك وقت ومجهود جبار, يعنى هو بمسابة الصندوق اللي فيه كل حاجة هتحتاجها في الإنجليزى,يعنى كلمات تلاقى ,جرامر تلاقى, دروس نطق تلاقى,دروس إستماع تلاقى, دروس قراءة تلاقى, قاموس تلاقى.
بإختصار هيبقي معاك كنز حقيقي فيه كل اللي كنت بتدور علية وفى مكان واحد.
>>>>> طيب تعالي بقي ندخل جوه التطبيق ونشوف فيه ايه !!
 |
معاك فى التطبيق حوالي 500 درس كل درس بيعلمك حاجه واحدة بس ممكن تكون قاعده أو جملة أو اى حاجة, يعنى ببساطه لو دخلت كل يوم علي 5 دروس من دول هتتعلم خمس حاجات جديدة فى 5 دقايق بس شوف بقي لو بقو 10 عشر دقايق!!!!! بعد فترة هتلاقى نفسك جمعت قدر كبيير جدا من المعلومات من غير ما تحس وهو دا ميزة التطبيق بيخليك تتعلم حاجات كتير بطريقة بسيطة جدا وفى وقت صغير.
****************
 |
دى بقي الحاجة الممتعه جدا في التطبيق , تخيل معايا كدا لما يجيلك كل يوم إشعار علي الموبايل بكلمة
جديده وأمثلة عليها وإشعار كمان بمعلومه جديدة ممكن يكون فيديو نطق أو مصطلحات أو غيره.
أعتقد مفيش أجمل من كدا , وكمان لو كنت في يوم مشغول ومقدرتش تبص علي الإشعار تقدر تدخل ع التطبيق هتلاقيه محفوظ زى ما في الصورة كدا.
 |
دا بقي القسم اللي بيقول عليه بتاع الشعب, أو بمعنى اصح اللي الكل بيدور عليه,
قسم النطق Pronouciation , التطبيق بيوفرلك مجموعه كبيره جدا من الفيديوهات فى النطق,
كل فيديو فيهم هيصحح عندك معلومة فى النطق وتلقائي مع الوقت هتلاقى النطق بتاعك اتغيير 180 درجة.
*****************
 |
>>>> رابع قسم فى التطبيق.
وهو اللي هيكون مختص بالقراءة, والجزء ده بقي يا سيدى ممتع جدا لسببين , الاول إنك هتحسن
فيه جانب القراءة في الإنجليزى, وكمان هتقرا كتب وروايات جميلة جدا وهتزود حصيلة الثقافة اللغوية عندك. يعنى ملكش حجة هتقرا وفى نفس الوقت هتحسن الغنجليزى بتاعك.
***************
 |
>>>>> خامس ميزة معانا في التطبيق.
وهى الإستماع, التطبيق بيديك مجموعه كبيره جدا من مقاطع الصوت علي هيئة قصص وحكايات ومغامرات , علشان تحسن جانب الإستماع عندك من غير ما تحس هتبقي بتسمع قصة جميلة وفي نفس
الوقت وانت مش واخد بالك هتطور نفسك في الإنجليزى.وكمان هتلاقي subtitle تقدر تشوفه.
**********
 |
>>>> سادس اوبشن معانا إنهاردة.
هو إن التطبيق بيديك قاموس فية 10 الاف كلمة بترتيب أبجدي, تقدر تسمعها وتسجلها وترجعلها في أي وقت. يعنى تخيل معايا كدا لو كل يوم قرأت 10 كلمات بس ,هتلاقى نفسك بعد فتره معاك حصيلة لغوية كبيرة جدا .
********************
>>>>> اخيرا علشان مطولش عليكم. أهم ميزة في التطبيق إن فيه نظام محادثة تقدر منها تكلم التطبيق في محادثة كاملة.
كمان التطبيق 75% من غير إنترنت ما عدا الفيديوهات بس هي اللى بتحتاج نت.
دى مش كل ميزات التطبيق, هسيبلكم الباقى تكتشفوه بنفسكم.
**************
>>>> شرح للتطبيق:
وبكدة يكون في إيدك أداة واحدة بس تقدر تحسن بيها أى جانب من جوانب اللغة من غير ما تضيع وقت في مصادر وكورسات كتير...
لينط التطبيق علي جوجل بلاي: اضغط هنا
او من هنا
سيرتك الذاتية "CV" هي أول مستند وأول
دليل على كفاءتك في العمل
وتقوم منصة معارف بمساعدتك لإنشاء
سيرتك الذاتية
بإحترافية
إعلانك يمكن أن يظهر على منصتنا التعليمية الان