افضل واسهل طريقة لكتابة cv باسلوب محترف

كتير من الشباب كان بيسألنا ازاى نكتب CV او نكتب فيه ايه احنا معندناش حاجه نكتبها  هنعمل ايه بال CV؟؟ 

قبل ما نقول أنت ممكن تكتب ايه فى السي في خلينا بس نتكلم سريعا عن أهمية ال CV
- أول أهمية: هى أن أنت السي فى دا بالنسبة لك زى مرايتك أو صورة ليك و بيعبر عن مدى الانجازات و الحجات اللى عملتها وحققتها فى مدة زمنية معينة.
- تانى أهمية : هى أنك أثناء فترة الدراسة لما تيجي تقدم على أى تدريب فى شركة أو سفر لأى منحة\ بعثة برا أو جيت تقدم على بعض الورش ممكن يحتاجوا منك ال CV.
- ثالث أهمية: هى أنك لما تخلص دراسة و تيجي تقدم على شغل لازم بال CV 
فأنت لازم يكون عند CV عشان الشركات بتشترط أنك تبعته لهم.

فبدل لسه تقعد تدور ازاى يتعمل و تنسي حجات أنت كنت عملتها أو تكون مستعجل فتعمل CV مش قوى، علشان كدا يفضل أنك تعمله بدرى و كل ما تعمل حاجه جديدة تضيفها على طول أول بأول.

و عشان كدا  هنساعدكم ازاى تكتبوا ال CV بتاعكم

أول حاجه لو حابب تريح دماغك أو مستعجل فجبنالكم أفضل 3 مواقع ممكن تعمل من عليهم ال CV بطريقة بسيطة، كل اللى هتعمله أنك هتسجل فى الموقع و تبدأ تملى البيانات اللى هيقولك عليها و فى الاخر هيطلع لك ال CV فى شكل محترم.
**ملحوظة: بعض الشركات بترفض ال template الجاهزة لل CV و بتشترط أنه يكون معمول Word. 
و دى المواقع اللى ممكن تعمل CV على طول منها.

1- https://goo.gl/IqGRs0
2- https://goo.gl/rzXjoV
3- https://goo.gl/qrcGp0

أما بقى لو حابب تعمله أنت بنفسك على ال Word فعشان تعمله فى حجات أساسية لازم تكون موجوده فيه، و الفديوهين دول بيوضحولك يعنى ايه CV و ايه المفروض يتكتب فيه:
1- (عربى)
https://goo.gl/HjMsfR
2- (انجليزى)
https://goo.gl/vXPtOv

و أخيرا حاول تدور فى جوجل على CV معمولة لاشخاص فى نفس مجالك و تشوف أمثلة للناس كاتبه ايه و عامله ايه علشان تستفيد.