كورسات أونلاين فري في مجال الماركتينج
مجموعة لينكات لكورسات أون لاين مجانية تقدر تبدأ بيها
1- كورس التسويق الإلكتروني – إدارة الحملات الرقمية المدفوعة المقدم من "منصة إدراك"
هتتعرف فيه بشكل عام على مجال التسويق الرقمي، والإعلانات الخاصة بفيس بوك، تويتر، إنتسجرام وغيرها من المنصات التانية
الكورس باللغة العربية وتقدر بعدها تنزل الشهادة عندك باسمك
2- كورس Content Creation بتقدمه HubSpot Academy
الكورس دا هيكون مهم ليك لأنك هتتعرف فيه على كتابة المحتوى، والسرد القصصي الي هتحتاجه أكيد...
3- كورس Inbound Marketing من HubSpot Acadmey
و على فكرة الموقع دا يعتبر من أهم المواقع الخاصة بالماركتنج وبيقدم محتوى هايل وكورسات مفيدة جداً
4-كورس أسس كتابة المحتوى مقدم من "أسامة صلاح"
بعيداً عن الكورس، إلا أن الشخص دا مينفعش تسيب مقالة أو كتاب بيقدمه غير لما تمسك فيه وتقراه
هو بيقدم فعلاً معلومات مهمة جداً وبشكل جميل جداً
الكورس بيجيلك عن طريق الإيميل
5-كورس أساسيات التسويق الرقمي من جوجل
بردو من الكورسات المهمة مدته 40 ساعة ودا يعتبر أطولهم مدة
الكورس كمان متوفر باللغة العربية
يعني هي دي كل الكورسات الي موجودة، وخلاص بقى هبقى مجمع كل حاجة عن الماركتنج؟
الإجابة: أكيد دي مش كل الكورسات دا في كتير جدا جدا
مش شرط تبدأ أون لاين لومش حابب، ولو شوفت كورس متوفر على أرض الواقع مناسب ليك والأهم أنه يكون للمبتدأ في المجال فمفيش مشكلة إنك تروح وتجرب وتسأل
إحنا حبينا بس نحطك على أول الطريق، إنت مع نفسك بعد كدا هتلاقي إن في كورسات تانية...
