15 قناة علمية علي اليوتيوب للاطفال
(و تنفع للكبار برضو وخصوصًا اللي بيتعلموا إنجليزي) ..
اولًا .. العلوم بشكل عام:
القناة دي بتستخدم اسلوب الرسم عشان تشرح اي حاجة من الناحية العلمية، الحجات اللي بيتكلموا عنها هي اكتر الاسئلة اللي الناس بتسألها .. او حجات عمرك ما فكرت فيها حتي زي ودانك عندها كام سنة؟
هل الالعاب بتخليك اذكي؟ هل الخوف ممكن يقتلك؟ وغيرهم.
القناة دي بتشرح -من الناحية النفسية والعصبية- إحنا ليه بنتصرف بالطريقة اللي بنتصرف بيها
هتلاقي مواضيع زي : إزاي الافلام بتتحكم في مخنا؟ إزاي التمارين بتقوّي الذاكرة بتاعتنا؟
قناة فيها مواضيع مُختلفة زي اخبار عن العلوم، توك شو عن العلوم، اسئلة واجوبة.
القناة دي بقي هتلاقي فيها فروع العلوم كلها: فيزياء، كيمياء، احياء، فضاء..الخ.
يمكن القناة دي بقالها حوالي 6 سنين مش بتنزل فيديوهات جديدة، لكن فيها كميّة فيديوهات تكفي
فيهم تجارب علميّة، بس خد بالك عشان مش كلهم ممكن تجربهم في البيت :))
تقريبًا كده محدش فينا ميعرفهاش، زي ما بتعمل مجلة وعندها قناة ع التلفزيون .. ليها قناة ع اليوتيوب كمان
بتجيب كل انواع الفيديوهات اللي ليها علاقة بالعلوم من قريب او بعيد
Inspiring people to care about the planet
دي منظمة للتوعية بخصوص مجالات العلوم في استراليا ، وبينزلوا كل الانشطة بتاعتهم علي قناتهم علي اليوتيوب
قناة خاصة بالعلوم وأخر اخبارها، فيها فيدوهات مش مناسبة للاطفال ، بس في برضو فيديوهات حلوة ليهم.
ثانيًا.. العلوم المُتخصصة:
بيستخدم اسلوب الرسم في الشرح برضو، لكن بيتكلم عن الفيزيا بشكل خاص، هتلاقي مواضيع زي: يعني ايه جاذبية؟ ايه الاحسن نمشي ولا نجري في المطر
اللي عاملها هو نفس اللي عامل قناة Minute Physics
بس كل المواضيع اللي هنا عن كوكب الارض. المية اللي علي الارض جت منين؟ ليه كل الرمل شبه بعض؟
هتلاقي فيديوهات عن كل عنصر من عناصر الجدول الدوري .. وفيديوهات تانية بتنزل كلها في عالم الكيمياء ^^
القناة دي خاصة بعلم الطيور، واللي عاملها مركز البحوث بتاع جامعة كورنيل في New York.
