ازاى تكسب 1000 دولار فى اسبوع

إزاي تكسب ألف دولار في الأسبوع - سيب الشركة واشتغل فريلانسر عشان تحقق أحلامك وتبقا غني - إزاي تشتغل ب125 دولار في الساعة.

دول وعناوين كتير بقيت بشوفهم كتير لبوستات أو كورسات وغيرهم. وقرأت أنا المقالات دي وشفت معظم الكورسات وكان ظني صح فعلا لأني اتأكدت إنهم "هري".

واحد أعلى سعر ساعة اشتغل بيه كان 8 دولار وبيشرحلك إزاي تشتغل ب125 دولار في الساعة! بيقولك شوية كلام ممكن يبان منطقي من وجهة نظرك زي "اشتغل مع العملاء اللي بيدفعو كتير وأهم حاجة عندهم الجودة" و يجبلك صورة فريلانسر شاطر شغال ب125 دولار في الساعة فعلا. بس ميقولكش ازاي توصل للعملاء دول وتشتغل معاهم بالمبلغ دا! تفتكر ليه؟ لأنه هو نفسه ميعرفش ازاي. ولو كان يعرف مكنش زمانه شغال ب8 دولار في الساعة دلوقتي 

أنا دلوقتي خدت كذا شغلانة في أسبوع معين وخلصتهم بسرعة وكان ربحي في الأسبوع دا ألف دولار. بس الأسبوع اللي بعده كان 100 دولار بس واللي بعده مثلا 300 دولار. دا يخليني مؤهل أشرحلك إزاي توصل لدخل أكتر من ألف دولار أسبوعيا؟ وأنا شخصيا موصلتش للمبلغ دا غير في أسبوع واحد؟ لأ طبعا. أهو دا اللي عمله واحد أجنبي برضه بدون اسمه Jake Jorgovan.
اشتغل سنة كاملة على أب وورك وكسب في السنة كلها 8 تلاف دولار بس. وبيشرحلك بعدها إزاي أنت تكسب أكتر منهم في 8 أسابيع.

واحد تالت بيقول للناس سيبو الاستغلال بتاع الشركات واشتغل فريلانسر وتقبض بالدولارات وتبقى غني وتعرف تصرف على عيلتك وبتاع. وهو كل مكسبه من الفريلانس من ساعة ما بدأ من سنة ميتعداش 500 دولار أصلا. تصدقه ازاي؟

ال3 اللي أنا ذكرتهم دول بيبقا هدفهم واحد. يضحكو عليك بكلمتين ويقنعوك إنك هتوصل لمكاسب هما شخصيا معرفوش يوصلولها. بس هيخليك تصدق ويبيعلك الكورس بتاعه أبو 10 دولار، أو يكسب من الإعلانات اللي في الblog بتاعته أو حتى يتشهر أكتر بس.

لما اشتغلت أول شهر كفريلانسر وعملت شغل ب200 دولار. قلت للناس إزاي تقدر تشتغل وتجيب المبلغ دا زي منا عملت. مقولتش لحد إزاي تقدر تشتغل بألفين دولار شهريا. ولما بشرح إزاي تعلي سعر الساعة بتاعتك، بشرح الطرق اللي أنا استخدمتها عشان أعلى سعر الساعة ل50 دولار. في ناس خدت الأفكار اللي أنا شرحتها أول شهر وعشان خبرتهم في شغلهم كانت سنين قدرو يجيبو أكتر من 1000 دولار أول شهر، بس دا مخلانيش أتكلم عن ازاي تجيب 1000 دولار في الشهر لأني مكنتش جبت المبلغ دا ساعتها.

الخلاصة في الموضوع: متخليش حد يضحك عليك بشوية كلام ممكن يبقا منطقي بالنسبالك وأمثلة ناس تانية ناجحين عشان يكسب على قفاك شهرة أو فلوس. خد الكلام من الناس اللي كسبو المبالغ دي شخصيا. فا قبل ما تبدأ تقرأ مقال أو تاخد كورس حتى لو ببلاش، شوف صاحب الكورس أو المقال دا عمل ايه ووصل لايه عشان يبقا مؤهل إنه يقول معلومات مجربة وموثوقة.

لأنك لما تسمع كلام الناس دي هتحس إن الموضوع تافه، وبعد ما تمشي ورا كلامهم ومتوصلش لحاجة هتقول يا ريتني ما ضيعت وقت وممكن تيأس خالص وتسيب الفريلانس عشان فاكر إن مفيش منك أمل مثلا. وزي ما بقول دايما "الموضوع مش سهل أوي، بس مش صعب أوي"

قد يهمك : دورة طرق الربح من الانترنت معتمد بشهادة

8 طرق للربح عبر الانترنت

يوفر الإنترنت اليوم العديد من الفرص للأفراد من أجل الربح وتحقيق الدخل الإضافي، وفيما يلي بعض الأفكار التي يمكن أن تساعد في الربح من الإنترنت:

1. التجارة الإلكترونية: يمكنط بدء المتاجر الإلكترونية لبيع منتجاتهم أو خدماتهم، وتصبح المتاجر الإلكترونية أكثر شيوعًا في العالم، ويمكن استخدام منصات إنشاء متاجر إلكترونية مثل Shopify أو WooCommerce.
2. العمل الحر: لديك الفرصة لتقدم خدماتك الحرة عبر الإنترنت، مثل الكتابة والتصميم والتسويق الرقمي، ويمكن العمل كفريلانسر عبر منصات مثل Upwork أو Freelancer.
3. البث المباشر: يمكن للأفراد تقديم محتوى مثل بث الألعاب أو الحديث عن موضوعات معينة عبر منصات البث المباشر مثل Twitch أو YouTube.
4. التسويق بالعمولة: تستطيع الترويج للمنتجات الأخرى والحصول على عمولة من المبيعات المتولدة، ويمكن استخدام برامج التسويق بالعمولة مثل Amazon Associates.
5. الاستثمار في العملات الرقمية: الاستثمار في العملات الرقمية مثل البيتكوين، وتحقيق الأرباح من تقلبات سعر العملات الرقمية.
6. تداول الأسهم والعملات الأجنبية: يمكن للكثيرين تعلم التداول في الأسهم والعملات الأجنبية عبر الانترنت، ويمكن استخدام منصات التداول عبر الإنترنت مثل eToro أو Plus500.
7. الإعلانات على المدونات والمواقع الإلكترونية: يمكن لأصحاب المدونات والمواقع الإلكترونية الحصول على الإعلانات والربح منها، ويمكن الانضمام إلى برامج الإعلانات مثل Google AdSense.
8. تقديم الخدمات التعليمية: اذا كنت تملك الخبرة والمهارة اللازمة في التعليم فستتمكن من الربح عن طريق تقديم الخدمات التعليمية مثل الدروس الخصوصية والتدريب الالكتروني، ويمكن استخدام منصات مثل Udemy أو Teachable.

هذه بعض الأفكار الإضافية التي يمكن استخدامها للربح من الإنترنت، ويمكن للأفراد تحديد الفرص المناسبة وفقًا للمهارات الخاصة والاهتمامات الشخصية والقدرة على العمل والإبداع.