اخطاء لغوية عليك معرفتها للكتابة بشكل سليم

طايب، أنا لاحظت إن أغلب الأخطاء اللغوية اللي بيقع فيها كتير من الناس نقدر نلخصها في 3 حجات بس. معرفتهم هتخليك تكون على معرفة بأبسط قواعد الكتابة باللغة العربية، وحتى العامية. وخصوصا لما تيجي تكتب مقال لموقع أو تكتب شيء رسمي أو حتى في كتاباتك العادية. 
.
1- همزة الوصل وهمزة القطع. 
باختصار شديد همزة القطع تكتب همزة مع الألف، مثل أ أو إ ، وهمزة الوصل لا تكتب: ا . والفرق بينهم ببساطة إنك هتحط قبل أي كلمة حرف الواو أو الفاء وتنطقها ولو نطقت الهمزة تبقى قطع ولو منطقتهاش نبقى وصل: مثال: ألعب. حط حرف الواو قبلها، وألعب. وااا أ لعب. نطقنا الهمزة واضحة جدا. 
مثال: استقام. فعل ماض، حط قبله واو، تنطق: واااااستقام ، واااا ستقام مش هتلاقي الهمزة موجودة خالص في النطق.
دي شوية أمثلة بقى طبق عليها القاعدة دي: الاقتصاد. (همزة وصل) ، الاستقامة، الإكرام، إلى، أن، إن، أنا، أي، أخدت. 
.
2- الألف المقصورة والياء. 
من أشهر مواطن الكتابة في اللغة العربية، الألف المقصورة زي : مصطفى، فتى، هدى، والياء زي في، مادي، معنوي، يدي، قدمي.
ونفرق بينهم بسهولة بالنطق. فإن لم تنطق الياء فهي ألف، مثال فتى، تنطق: فتاااا، مصطفى، مصطفااااا، منى، منااااا، على، علااااااا. أما الياء فنطقها واضح جدا كياء. مثال: في، تنطق: فيييييي بالكسر في النطق. عليّ، تنطق: علي مش علااااا، وهكذا.
أمثلة للياء: يرتضي، أخي، الخليلي، الألماني، مصري.
أمثلة للألف: على (حرف جر)، يرضى، يرى. 
.
3- الهاء والتاء المربوطة.
الحقيقة دي من أهم الحجات في اللغة العربية واللي منتشرة بشكل خاطئ عند كتير من الناس: الهاء مثل: يده، قدمه، يهمله، يرضيه. 
التاء مثل: الفتاة، المنطقة، العزلة.
والتفرقة بينهم تكون بوصل كل كلمة منهم بأي كلمة بعدها. مثال: دمه خفيف. عند الوصل تنطق: دمهو خفيف. نطقنا الهاء واضحة جدا.
أما التاء: لعبة ممتعة. عند الوصل تنطق: لعبتون ممتعتون. التاء واضحة جدا أيضا. وهكذا.


أمثلة للهاء: وجهه، فيه، قطته، منزله. 
أمثلة للتاء: الحياة، الزهرة، الآخرة. 
.
ال3 حجات دول هيحلولك أكتر من 90 % من مشاكل الكتابة باللغة العربية.