بمناسبة الظروف الجميله اللى احنا بنمر بيها دى شوية خلاصات كتب هتفيد اى حد فى انو يزود ثقافته المالية وبالتالى هيقدر يتعامل مع الفلوس بشكل افضل وكمان يعرف شوية عن الأقتصاد بشكل عام
1-الأنعتاق من عبوديه المال
من الخلاصات الجميله اللى بتديك معلومات عن ازاى تظبط انفاقك الشخصى وكمان فية شوية معلومات مبسطة عن الأستثمار
2-طلب الثروه
الخلاصة دى مهمه اوى للناس اللى عايزة تفتح بيزنس ، بتغير تفكيرك بخصوص تعاملك مع الفلوس
3-الأنكماش الأقتصادى قادم
بمناسبة الظروف اللى احنا فيها وكمان القرض اللى احنا خدنا من صندوق النقد، حاليا اللى حصل للطبقة المتوسطه هوة ان القوى الشرائية ضعفت وبلتالى بيحصل انكماش فى الأقتصاد / فعشان تفهم يعنى اية انكماش
اقتصادى وضعف القوى الشرائيه والكلام الكبير دة أقرأ الخلاصه دى
4-موت النقود
الخلاصة دى بتفهمك الفلوس بتطبع ازاى وعلى اى اساس وحاليا طباعه النقود بتتم على اى اساس مقارنه ب 30 سنه فاتت
5-كتاب الأغتيال الأقتصادى للأمم
دة من أفضل الكتب عن الأقتصاد واللى هيعرفك فية ازاى الشركات الضخمه بتنفخ الدول / وكمان ازاى امريكا بتسيطر على الأقتصاد العالمى وبيقولك على كل الألعاب القذرة اللى بتم
تجربتى الشخصية : كتاب الأب الغنى والأب الفقير هيلخص عليك كل حاجة ويعتبر من اقوى الكتب اللى قرأتها بأستثناء موضوع الأقتصاد بشكل عام والفرق بين الرأسمالية والشيوعيه كنظام اقتصادى .
