150000 كتاب ومجلة بحثية ومقالات والورقات العلمية و السلاسل و قواعد البيانات لجميع الطلاب والباحثين

لازالت واحدة من اللحظات الممتعة – مهما تكررت – لما بدخل بالصدفة على موقع أكبر دار نشر

في العالم Springer من جوجل و ألاقي كتاب تمنه 700 جنيه ثم يذكرني الموقع اني من “مصر” و

لذلك الكتاب مجاني ليا, سبب وحيد يمكن للإنبساط انك في مصر.

البعض لازال بيسألني في الموضوع, لذلك اسمحولي أعيد نشر المصادر المفتوحة في مصر ف

بوست واحد:

سبرينجر بتعرض عليك حوالي 150000 كتاب و مجلة بحثية, كم مهول من المعرفة مجاناً, تقدر

تدخل تتصفح من هنا و تحمل ما شئت من الكتب و الجرانين المتخصصة و المقالات و الورقات

العلمية و السلاسل و قواعد البيانات

من هنا: http://link.springer.com/

بعيد تذكيركم كذلك انو مكتبة Wiley واحدة من أشهر دور النشر في العالم كذلك مفتوحة للنطاق

المصري فقط, أكتر من 28 ألف ورقة علمية و كتاب و مجلة علمية

من هنا: http://onlinelibrary.wiley.com/

كذلك للي ميعرفوش فـ النسخة الأكاديمية من بريتانيكا مفتوحة مجاناً فقط لمصر, النسخة

بتساعدك بمعلومات دقيقة و ممكن تستشهد بيها

من هنا: http://academic.eb.com/

كذلك اعمل لنفسك حساب في بنك المعرفة المصري, كم مهول من المصادر من ضمنها التلاتة

اللي فوق

من هنا: http://www.ekb.eg/
.
فيزيا, كيميا, طب, بيولوجيا, اجتماع, فلسفة, فلك, كومبيوتر … الخ.العلم متاح مجاناً, من أفضل

مصادره, بداية من كتب التبسيط و الشروحات و كتب طلبة الجامعة و التجميعات و المراجع

الخفيفة و التقيلة لحد أحدث الأبحاث في أشهر الجرانين, بقى أن تمتلك الجرأة لتنفذ مشروعك

على ذاتك, و هوا انك تستمر في المذاكرة لحد التعب, و بعدها تذاكر كمان
.
تحديث: يبدو ان البعض متصور ان دار نشر سبرينجر – و باقي المجموعة – فتحت في مصر شفقة

تقريباً بطريقة “و لما عرفو ان احنا مصريين .. قالولنا بلاش الوان دولار, لكن ده مش حقيقي, دا

اتفاق لمدة 5 سنين بين دور النشر ديه و المجلس الرئاسي التخصصي للتعليم و البحث العلمي

برئاسة الدكتور طارق شوقي جلال عميد كلية العلوم و الهندسة و استاذ الهندسة الميكانيكية

بالجامعة الأمريكية