طريقة عمل بحث جامعى

اولاً لازم تفهم دا مش مشروع تخرج و مش بحث ماجستير ودكتوراة دا يعتبر نموذج إمتحان أنت هتجاوب علية... تمام كدا

كمان أنت مش هتاخد مجموع او تقدير علي المشروع بتاعك .. بتتقيم ( ناجح او راسب) و لا يضاف للتراكمي

كل جامعة هاتعلن عن تفاصيل و معايير البحوث بحد أقصى يوم 7 / 5 / 2020

كل مادة هايكون ليها مشروع بحثي خاص بيها
( مش زي الثانوي بحث وأحد للمواد كلها)

كل دكتور مادة هايعمل 5 نماذج لمشروعات بحثية من المقرر وهيكون معظمها من بنك المعروفه

سيتم تسليم البحث من خلال الأميل إللي الكنترول هايحدده لكل فرقه في كل كلية تبعت بحثك عليه

سيتم إعلان الطلاب بطرق التواصل وامدادهم بالنماذج الرسمية التي يتم استخدامها لعمل الأبحاث حسب المقرر

تقسيم البحث هاتكون إزاي؟

الصفحة الأولى (عنوان البحث)
ودي بتكتب فيها عنوان البحث بتاعك إللي هتختاره من النماذج إللي كنترول الفرقة بتاعتك هاتنزله
الأسم، الرقم القومي، الرقم الجامعي، إسم الكليه، الفرقة، الشعبة، إسم البرنامج، إسم المقرر
ودي عليها 10٪ من التقييم

الصفحة التانية ( مقدمة البحث)
تكتب مقدمة بشرط لا تزيد عن 100 كلمة
ودي عليها 10٪ من التقييم

الصفحة الثالثة ( عناصر البحث)
لا تزيد عن خمس عناصر و عليها 10٪ من التقييم

ابتدأ من الصفحة الرابعة ( متن البحث)
ودي إللي بتجاوب فيها على الاسئله إللي في نموذج البحث
بشرط ان تكون عدد الكلمات من 500 إلى 750 كلمة
ودي عليها 40٪ من التقييم

الصفحة الخامسة ( النتائج والملاحظات)
بتكتب فيها نتاج البحث والملاحظات العلمية فيه
ودي بتكون أسئلة صريحة محدده في النموذج
بشرط لا تزيد الإجابة عن 100 كلمة
وبيكون عليها 20٪ من التقييم

الصفحة السادسة والاخيرة ( المصادر)
بتكتب فيها المصادر والمراجع بتاعتك سواء من بنك المعروفه او من كتاب الدكتور او من كتاب آخر خاص بالمادة
وبيكون عليها 10٪ من التقييم

طيب تعالو نسأل شويه اسأله ونرد عليها نوضح بيها

1-الا متحانات كده رسمي اتلغت؟
ايوووه

2_اعرف منين القرار؟
_من الجامعه والداكتره هتقولك كل حاجه.

3_لو لقدر الله سقطت فيه او مقدرتش اعمله او اسلمه اي حاجه؟
_هتعيده تاني وهكذا لو امتحان الكتروني هتعيده تاني لو لقدر الله في المره الثالثه سقطت تبقى شيلت الماده

4_ممكن فعلا اسقط؟
ده مستبعد في الابحاث دي لاننا بنقولك الدكتور هيفهمك كل حاجه بس انت متجودش من نفسك وتتفزلك خليك في السليم وتابع اول باول جروب الدفعه

5_عندي تخلف من السنه اللي فاتت همتحن ازاي؟
دي بقا هاتختلف من جامعة لجامعة
في جامعات هاتعمل بحث في مواد التخلف
وفي جامعات هتاجل إمتحان التخلف تمتحنه لما الوضوع يتحسن إن شاء الله

6_طيب انا كواحد عندي تخلف في ماده من السنه اللي فاتت اروح لمين بقى؟
هتروح لدكتور ماده السنه اللي فاتت وتقعد زاي الشاطر في جروب السنه اللي فاتت وتشوف هيعملو ايه وتعمل زايهم وتستنى الجامعه تقولك تعالى سلم بحثك اذن اي ماده من سنه سابقه هتابع مع دكتور السنه السابقه اللي بيدي الماده ليهم.. او لو كانت الجامعة هاتمتحنك فا استنا بقا معاد تحديد الإمتحانات

7_اي ماده تخلف يعني لو معايا من سنه اللي فاتت واللي قبليها ماده برده تانيه يعني اعمل ايه؟
_اي ماده تخلف هتعمل فيها بحث

8_انا جايب قران بالنسبه لطلاب الأزهر ؟
القران للاسف هتمتحنه السنه الجايه معلش ليك وقت تحفظه

9_طيب القران بقى هنعمل فيه ايه يابتوع الأزهر ؟
القران بقى الازهر مرداش يلغيه قال هتمتحنه السنه الجايه تحريري فقط ويبقى فيه ناجح او راسب
يعني قران تالته هتمتحنه في رابعه تحريري فقط وهكذا

ملحوظه هامه"اللي عنده تخلف قراااان هيمتحن تلات مرات (التخلف+السنه اللي دي+السنه الجديده)
10_انا طالب عندي عملي ايه اللي هيحصل؟
هيتاجلك العملي لحد ما حظر الدراسه يترفع ممكن بعد العيد ولو منفعش مثلا هتاخده اول السنه الدراسيه الجديده مع العلم انه هيبقى برده ملوش تقدير يعني يناجح ياراسب

11_مجبش سيره طلاب طب؟
حاجتين اولهم ان الفرق الرابعه والخامسه والسادسه فرق نهائيه

"ملحوظه هامه"هناك طلاب فرق لائحه حديثه بها بعض التعديلات فنرجوا الرجوع الى الكليه في معرفه ذلك

12_الطلاب الوافدين تُعامل معامله الطلاب المصرين بالاكتفاء بالبحوث والتقدير هو تقدير الترم الاول فقط

13_بالنسه لدرجات الرأفه؟
هتخدها متقلقش لكن لازم الماده درجه الرأفه فيها متكترش عن ١٠درجات فقط

14_مواد التخلف من السنه دي ايه بقى؟
هاتمتحنها السنه الجايه مع مواد التخلف العادي

غالبا امتحانات الفرق النهائية والتخلفات هاتكون في شهر يوليو او أغسطس بس لحد دلوقت مافيش معاد محدد او هاتكون بعد انتهاء فترة تعليق الدراسة 30/5/2020