أهم 10 حاجات تخليك جاهز لاي شغل او منحه او تدريب صيفي

أهم 10 حاجات تخليك جاهز لاي فرصه فحياتك سواء كانت شغل او منحه او حتي تدريب صيفي وترتيبهم علي حسب اهميتهم

1- السيرة الذاتية CV
90% من الفرص دلوقتي بتطلب CV. سواءً كانت منحة أو تدريب صيفي أو شغل أو أي أبلكيشن. عشان كدة لازم تبقي جاهز ومستعد. خلي عندك أكتر من نسخة لأكتر من حاجة. التغيير فقط هيكون في ال Career objective. أعمل General CV بيتكلم عن الرؤية و الرسالة بتاعتك وأهدافك في الحياة والمجتمع فايدته. و CV تاني للمنح تتكلم فيه عن السفر والتعليم والتأثير. وواحد للتدريبات الصيفية والشغل بتتكلم فيه عن مجال معين وهتضيفله إزاي. وخلي عندك resume صفحة واحدة تفلتر منه الزيادات لأنه ساعات بيطلب
ودا مقال بيعملك ازاي تكتب ال CV بتاعك
https://www.m3aarf.com/articles/742

2- الباسبور 
passport
الباسبور الطلابي اجراءاته سهلة وبيطلب حالياً في كل التطوع في الجهات الكبيرة. هتروح لأقرب قسم التابع لمنطقتك، وإسأل على الإجراءات هتلاقيها بسيطة. كام صورة على بطاقة على بيان قيد والتكلفة 300 جنيه تقريباً وبيطلع بعدها بأيام وبفترة صلاحية لسبع سنين تقريبا. وتقدر تطلعه لوحدك من غير ولي الأمر. وبالنسبه لغير الطلبه برضه الموضوع عادي وسهل.

3- خطاب التوصية Recommendation letters
بيستخدم غالبا في المنح. بس ممكن يطلب منك برضو في بعض الشغل والتدريب. روح لدكتور / معيد في الكلية عندك أو رئيسك في الشغل / العمل التطوعي. أطلب منه يعملك خطاب توصية بس ميكونش موجه لجهة معينة. يعني حاجة عامة بيتكلم فيه عن فترة إشرافه ليك وليه أنت مميز. خلي معاك 5-6 خطاب توصية. بحيث أول ميطلب منك يا ترفعهم على طول يا تعدل بس الجهة المخابطة. وحولهم كلهم على Word لسهولة التعديل.

4- شهادة دولية في اللغة الانجليزي / لغات اخرى
IELTS or TOEFL
لو دخلت امتحان دولي زي ايلتس أو تويفيل صور السكور اللي اخذته ( الامتحان مش ال Preparation ). ولو عندك امتحانات في لغات تانية زي DELF او في اي لغه تانيه.

5- شهاده الاعفاء من الجيش (الكلام دا خاص للرجاله بس طبعا)
حاول تخلص اوراق الجيش باسر ما يمكن وتخلي معاك نسخه دايما من صوره الاعفاء ويا ريت تخليها ك pdf علي جهازك.

6- قائمة السوشيال ميديا
Social Media list
خليك متابع جيد لكل الناس الايجابية على السوشيال ميديا. اعمل قايمة حط فيها كل الناس المؤثرة اللي بتنزل داتا للفرص، الصفحات الكبيرة، المجموعات، ومتتأيدش بالفيس بوك بس. تابع على LinkedIn ومواقع التوظيف كمان ومواقع المنح زى مرجع.
ودا بوست فيه اهم المواقع بتاعه التوظيف فالوطن العربي
https://www.m3aarf.com/articles/744

7- بيان الغرض Personal Statement
أول حاجة تجهز بيها للفرص ولازم تشتغل عليها من بدري هي بيان العرض. حاجة بتيستخدم في التقديم على منح. ولكن له استخدامات تانية تطوعية لو هتقدم في منظمات دولية زي ال UN وغيرها. لأنه بيتطب منك تتكلم عن نفسك وأنت مين وبتعمل ايه وخبراتك وليه شايف نفسك مميز وهتضيف ايه للمكان جديد. جهز واحد صغير 250 كلمة. وأفضل كبر 500 - 750 - 1000 - 2500 كلمة بحيث تبقى شملت كل أنواع الطلبات اللي ممكن تطلب. اكتبه و خلي معاك نسخ WORD و PDF جاهزة.

8- بيان القيد / شهادة التأمين الصحي / بيان الدرجات
/ مفردات المرتب للوالد / إيصال كهرباء
School Enrollment / Health Insurance / Transcript
/ Salary / electricity receipt
روح لكيلتك وأطلب البيانات دي من شئون الطلاب. بيان الدرجات طلعه كل تيرم. ومعاها الشهادة الصحية. وبيان القيد طلعه وخلي الجهة المخاطبة عام ( للمنح الدراسية - للتدريبات الصيفية وهكذا ) . مفردات المرتب بتطلبها من والدك وبتصورها سكان عندك. صور آخر وصل كهرباء لشقتكم بيطلبوه في المنح.

9- بريد إلكتروني مخصص للفرص
Specific Opportunities email
أعمل ايميل جديد سميه بإسمك وجنبها كلمة مميزة مثلاً Opportunities ، و سجل بيه في كل مواقع المنح، وكل مواقع شركات التوظيف وسيبه في مكان على السوشيال ميديا بينزل حاجات فيها فرص ممكن تفيدك، وافتحه كل شوية وشوف ايه الجديد فيه هيساعدك في عملية التجميع.

10- طباعة الصور Scanned Pictures
روح اطبع كل اللي فات ألوان من أي مكان كويس وخدهم على فلاشا وخليهم في فولدر عندك اسمه Opportunities folder بحيث يبقوا سهل الوصول.