طريقك للسفر بره مصر واهم المواقع للمنح الدراسية

لو انت عاوز تسافر تدرس بره في منحة مثلا فالكلام ده ليك.
العبرة مش إنك عاوز تطلع منحة .. العبرة هي هل انت في ضياع لدرجة إنك محتاج تبص علي حياتك من منظور مختلف في بيئة مختلفة تغيرلك حياتك؟

من 5 سنين، دخلت كلية مش حاببها. بس اضطريت أكمل فيها من غير هدف لأن مش عارف أنا أصلا عاوز أعمل ايه! عديت بحاجات كتير لحد ما ربنا أكرمني في سنة 3 بمنحة لأمريكا علشان أدرس (ريادة أعمال مجتمعية) .. قد ايه كنت مُغيب عن حاجات كتير وقد إيه نظرتي للعالم اختلفت تمام. 
احنا بنتعلم ونتخرج ونشتغل ونتجوز ونخلف ونتبهدل في دوامة الحياة لحد ما نموت، ولو جيت أسألك انت ايه أكتر حاجه فخور بيها في حياتك؟ أو ايه الحاجه اللي عملتها عيرت في حياة الناس؟ أو كام حد غيرت حباته؟ أو كنت سبب في تغيير فكر حد للأحسن؟ هنلاقي تخبيط ع الإيد، ليس إلا!

أنا مش هنا علشان أقولك اتفضل اطلع منحة، أنا بقولك الكلام ده علشان أقولك إن " المنح الدراسية فرصة لتغيير حياتك تمام، ولكن لا تأني علي صحنِ من الميلامين" فلو مش هتتعب في التدوير وتموت نفسك، مش هتتحرك.

هنا هقولكم علي أهم المواقع اللي بتعرض المنح: 
1) مرجع https://goo.gl/5LpJsi 
لما سافروا -عبدو سامي وجبالي- وعرفوا أهمية السفر والمنح في تغير حياة الشخص رجعوا وأسسوا مرجع لتوفير ودعم المنح الدراسية.

2) فرصة https://goo.gl/HZeZhC

3) https://goo.gl/FfTzq7 Scholarship-positions
من المواقع الجميلة جدا .. تقريبا أكتر موقع بقضي وقت عليه.

4) https://goo.gl/cAikz9 scholarships 4 development

5) https://goo.gl/fgi3S7 Scholarship Owl

6) Hey Success https://goo.gl/TuurxV

7) Opportunity desk https://goo.gl/PsNyYk

دي المواقع اللي أعرفها واللي بتعرض عدد مهوول من المنح اللي محتاجه جهد كبير فعلا علشان تدخل علي كل منحة ونشوف متطلبتها وهل تتوافق معاك أو لا.

بالتوفيق لينا جميعا