من الحاجات المهمة اللي المفروض تاخد بالك منها وأنت بتقدم علي أي وظيفة معروضة خصوصا لو بتقدم عن طريق أبلكيشن online أو بتبعت لشركة كبيرة لأن معظمهم حاليا بيستخدم برامج ATS لفلترة السيفيهات عن
طريق استخدام بعض الكلمات الدلالية Key words وبالنظام ده للأسف ممكن CV بتاعك يتفلتر بالرغم من إنك مناسب جدا للوظيفة، لذلك حاول تتجنب تستخدم الحاجات دي في الـ CV بتاعك
1) الخطوط العرضية.
2) الخطوط الطولية.
3) الجداول.
4) الرسوم البيانية.
5) الصور والشعارات.
6) الرموز اللي شبه 
7) الأيقونات.
8) الخطوط المائلة italic.
9) الخط الأبيض علي خلفية سوداء.
10) استخدام أنواع خطوط مختلفة مع بعض.
11) استخدام ألوان مختلفة.
12) اللينكات Hyperlinks.
13) وضع خط تحت الكلمات Underlines.
14) اسخدام خط حجمه أقل من 11.
طب إزاي تعرف تحدد الكلمات الدلالية key words وتستخدمها ؟!
الكلمات الدلالية هي أهم الكلمات اللي بتستخدمها الشركات في كتابة الوصف الوظيفي والمؤهلات المطلوبة من الشخص المتقدم للحصول علي الوظيفة، علشان تعرفها ممكن تستخدم موقع " tagcrowd . com " عن
طريق إنك تعمل Copy للـ job description كله وهتلاقيه حددلك أكتر الكلمات اللي اتكررت واللي يفضل تستخدمها في الـ CV بتاعك وفقا طبعا للنسق العام ومهاراتك يعني مش بشكل عشوائي.
في كورس ممتاز علي كورسيرا كنت بدأت فيه من فترة بيعلمك English وفي النفس الوقت بيفهمك اختيار الكارير من البداية لحد لما تشتغل وتعمل Networking كمان
