اتكلمنا قبل كده عن اللى هيمشى فى مجال الايمبديد وقولنا انه يلزمه شيئيين مهمين :
الاولى العلم بالمجال والثانيه العلم بمجال التطبيق
اتكلمنا عن العلم بمجال التطبيق والشركات والشغل
طيب لكل اللى حابب يبدأ فى لمجال ده يبدأ ازاى ؟!!
1- C programming language
اول حاجه تتعلمها هيا ازاى تكتب برنامج بلغة السى وتتجنب اى اخطاء فى الكود
تبقى بروفيشنال من الاخر فى كتابة الاكواد , طيب ليه انا اخترت السى عن باقى اللغات التانيه ؟؟ عشان دى اقرب لغه للهارد وير وخلى بالك فيه الاقرب منها بردك عن الاسمبيلى اتحدث بس معظم الشركات شغاله سى ومش بحتاج الاسمبيلى غير فى حاجات بسيطه يعنى زى كود فى صاروخ وعايزه يتنفز فى اقرب وقت واسرع , يعنى مش ينفع استخدم جافا ولا سى شارب ولا اى حاجه من دى , اساسك فى الايبمديد ومدخلك للمجال انك تتعلم اللغه دى وتقوى نفسك فيها كويس اوى
وخلى بالك كويس ان لغة السى دى مفتوح يعنى انت ممكن تلعب فيها وتضيف فيها اى فانكشنز وكده عشان كده خلى بالك اننا ماشيين على حاجه ثابته وقياسيه وهيا
ANSI standard C99 & C89
بص اتصفح كتاب فى السى ومراجع وعييش .
2- Embedded C
وهيا مش بتختلف عن السى فى حاجه نهائى غير انك تعرف ازاى تظبط الكود بتاعك وطبعا انت بتبقى كاتب كود يطلع 161641 سطر وبيجى وراك مهندس زميلك يراجع فمش هتسيبه يغرق يعنى المهم لازم تكون عارف ترتيب الكود وتحاول توفر فى المساحه ويبقى شئ لذيذ اوى لو انت زاكرت وفهمت UMl
ودى يعنى طريقه توصيف الكود والوسفت وير بتاعك هتساعدك انك تجتنب الاخطاء والبج والحاجات دى .
3- Micro Controller
الميكروا ده بابك لكل المتحكمات ومجرد انك تتعلم ازاى تبرمج المايكرو كنترولر يبقى انت فتحت بابك لكل المتحكمات زى الاردوينو وراسبيرى باي .........
اشتغل مشاريع بأيدك واتعمل ازاى توصل الدوائر وتتحكم فيها واعمل 5 مشاريع او 7 على الاقل عشان تمرن ايدك على الشغل
4- Computer Arch
وده ما يسمى بمعمارية الحاسوب ياباشا وده مهم جدا جدا جدا لانك هتعرف زاى الداتا بتروح للبروسيسور وتطلع منه والرام والروم والداتا بتمشى فيين ورايحه وجاييه من اين والباصات والبورتات ,كمان ازاى البروسيسور بيقدر يوصل للامكان المحددة داخل الذاكرة و ياخد منها المعلومة و يعمل عمليات عليها ,وكل حاجه بتحصل فى الكومبيوتر من الداخل هتفهم الميكانيزم بتاعها من المدخل ده
الخلاصة: ياريت تكون عارف ازاى البروسيسور بينقل الداتا من الذاكرة يابرنس وازاى يحطها فى الكاش و فكرة التاج و الجزئية دى مهمه جدا على فكره والكتب كتيير وحاول تجيب مراجع وتذاكرها .
5- Computer interfacing
بص دى بتفهمك ازاى الكومبيوتر بتاعك او المتحكم بتاعك ازاى يبعت و يستقبل داتا من الكمبيوتر العادى سواء عن طريق
Serial, usb, Bluetooth, Ethernet … etc
6- ( Real Time operating Systems ( RTOS
بص ياسيدى الامبيديد سيستمز بتحتاج لنظام تشغيل عليها عشان تقوم بالوظائف اللى المفروض تقوم بيها زى ايه بقى ؟؟
زى الموبيل مثلا بيبقى محتاج انه يستقبل المكالمة ياباشا وبعدين يحولهالك لصوت اللى حضرتك بتسمعه ويقوم يحول صوتك لاشارات وبعدين يقوم يبعتها و يستقبل فى نفس الوقت وانت ولا هنا ولا حاسس بأيوتها حاجه وخلى بالك ميحصلش تاخير فى تنفيذ التسكات دى اللى بيتحكم فى تنفيذ التسكات هو نظام التشغيل اللى انا بعمله
وبكده يبقى انا اديتك الحاجه المهم اللى تمشيك فى المجال ومش تقتصر على متحكم واحد وهو الميكروا ودى ملحوظه مهمه ياشباب يعنى شوف بعدها اردوينو وبعدها وبعدها وانطلق
ربنا يعينكم ويوفقكم :)
تكملة القراءة
