لو انت طالب ميكروبيولوجي، أو باحث علمي في مجال الميكروبيولوجي فالمقال ده ليك، طبعًا لازم تبقى عارف عن إزاي تتعامل مع الميكروبيولوجي اللي بتشتغل عليها في البحث العلمي، او في معمل الكلية، أو حتى ازاي تتعامل مع الميكروبات المنتشرة حوالينا في الحياة العملية.
لذلك قررت اكتب لك عن ال Biosafety لأنه مهم جدا ازاي تقدر تتعامل مع الميكروبات، برا المعمل وجوا المعمل كمان،طبعا عارفين ان الميكروبات منتشرة حوالينا في المية، الهوا، وحتى الأكل الملوث، والخضار والفواكه كمان لحد آخر بحث تلاقيه عن مقبض الباب بتاع المستشفيات!
قبل ما احط لك أي لينك عن أي كتاب Biosafety تعالى نتكلم شوية عن ازاي تتعامل مع الميكروبات برا المعمل:
١- قبل كل شئ الوقاية خير من العلاج.
٢- نظافتك الشخصية عن طريق غسل ايدك كويس بالصابون ولو فيه غسول مضاد للفطريات والبكتيريا ياريت تجيبه هيفرق معاك في صحتك ونظافتك اليومية كتير.
٣- بعض الاطباء بيقولوا انقع الخضار والفواكه في المية الأول قبل أي حاجة أو حتى تغسلهم، هينزل كل الميكروبات في المية غير المبيدات والكيماويات اللي اتحطت عليها.
٤-تجنب أي احتكاك بمرضى ذو عدوى ميكروبية والافضل يبقى فيه مسافة بينك وبينهم.
٥- افتكر ان الميكروبات تنتشر بطرق رهيبة في الجسم سواء الانسان او الحيوان او حتى النبات مؤخرا بردوا في الفترة الأخيرة دي وفي مصر تحديدًا أي ميكروب بتتعامل معاه حتى لو ثبت انه مش معدى مع الوقت هيبقى معدي بس لسه ما نزلشي أي بحث عن الكلام ده دلوقتي.
وده لينك بيتكلم عن الوقاية ضد الميكروبات يعتبر ترجمة للكلام المكتوب:
http://needtoknow.nas.edu/id/prevention/microbe-awareness/
نيجى بقى لموضوعنا المهم عن الباحث العلمي اللي شغال في مجال الميكروبيولوجي، ازاي تقدر تتعامل في المعمل عامة لوقاية نفسك خاصة:
اولًا اللي كاتبه عن خبرتي كباحث،لكل معمل قوانين خاصة به على اختلاف المجالات، بس احنا نقتصر القوانين على مجال الميكروبيولوجي بس، علشان كده لازم اقولك ايه قواعد ال Biosafety اللي لازم تتوفر في أي معمل:
١- اول ما تدخل ...البس البالطو!
٢- اغسل ايدك كويس جدًا علشان لو في ايدك اي عدوى او اي ميكروب مش ينتشر في المعمل
٣- عقم مكان شغلك كويس جدًا قبل ما تحط اي اغراض معملية، او حتى مقتنيات شخصية.
٤-بلاش جدًا تكون شغال ويبقى في ايدك الموبايل تلعب فيه، تسمع موسيقى، او حتى ترد على التلفون، اعمله صامت وسيب الدنيا تتهد، صحتك أهم والله،
٥- مضطر تستخدم الموبايل خلاص لازم تغلفه برول بلاستيك منعا انك تاخد الميكروبات معاك برا المعمل.
٦- عقم مكان شغلك بكحول كويس، وبعدين شغل اللهب، لو شغلت اللهب الأول، يبقى هتفجر المعمل، فبلاش استهتار من الأول
٧- البس قفازات طول ما أنت في المعمل.
٨- ابعد شعرك عن اللهب وما تقرب منه خالص وخلي بينك وبينه مسافة.
٩- عزل البكتيريا بيبقى شغال في جهاز اسمه Laminar Air Flow وده بيبقى في لمبة ال UV اللي بتقتل أي ميكروبات مع تهوية كويسة، وكل نوع جهاز من ده له إمكانيات معينة مش ثابتة في كل جهاز، ولازم تعقم الاول بالكحول قبل أي شغل.
١٠- معلش قبل ما تشتغل،لازم تغسل ايدك بكحول، منعًا لأي Contamination للشغل بتاعك.
١١- لما تخلص شغلك خالص، اغسل ايدك كويس بالصابون وبعدين ديتول أو اي مضاد فطريات أو بكتيريا، وسيب البالطو في المعمل.
جبتلك اللينك ده علشان تعرف إزاي اتعامل في المعمل:
لينكات عن ال Biosafety:
لينك تاني:
كتاب يضم الميكروبيولوجي و البيوميديكال مع بعض:
https://www.asm.org/getattachment/3c1eb38c-84d7-472f-aa9b-5d695985df21/ASM-Biosafety-Guidelines.pdf
لو مش عايز ده كله او بتحب المحاضرات أكتر جبتلك
https://m.youtube.com/watch?v=96-aZLom340
محاضرة عن ال Biosafety مبسطة وسهلة:
https://m.youtube.com/watch?v=u-SwpdnliuQ
وده لينك بيشرحلك التعامل من أول دخول المعمل لحد الخروج:
https://m.youtube.com/watch?v=obE1OiR0gkA
أتمنى تكونوا استفدتوا.
كتابة و مراجعة : هديل اسامة
