تجميعة بافضل القنوات على اليوتيوب فى مجالات مختلفة

2019-04-06

برمجة تطبيقات أندرويد
ــــــــــــــــــــــــــــــــــــــ
ديه اقوى قنوات يوتيوب عشان تتعلم برمجة تطبيقات أندرويد

هتلاقى هنا http://bit.ly/2SykVdT مواقع و قنوات على اليوتيوب هتساعدك تبتدى تكتب تطبيقك الأول لأجهزة أندرويد بسهولة ومن غير تعقيد
,,,,,,,,,,,,,,,,,
موقع Official Android Developer Site
ده افضل موقع ممكن تبدء تتعلم منه لان ده شركة جوجل المطورة لأندرويد نفسه، و هو الموقع الرسمي الخاص بتطوير تطبيقات الأندرويد هتلاقى فيها حاجات كتيره هتفيدك

موقع ViralAndroid
الموقع ده بيغطي كل شيء تقريبًا للمبتدئين والخبراء ويقدم الدورات و الأمثلة والنصائح والمكتبات التى تحتاجها وغيرها من المعلومات لتطوير التطبيقات من غير تكلفة.

موقع Vogella
والموقع ده يقدم الدورات لجميع مستويات وكمان مقسم بشكل جيد لتسهيل العثور على المعلومات فيه

قناه TheNewBoston
القناه ديه غنية عن التعريف لانك هتلاقى فيها دورات كتيره لتعلم البرمجة بأكثر من لغة وكمان تقدم دورة مكونة من 200 فيديو للمبتدئين لتعلم إنشاء تطبيقات الاندرويد مدة المقطع الواحد لا تتجاوز 10 دقائق
وكمان بتقدم دورة لتعلم لغة الجافا الضرورية فى تعلم إنشاء تطبيقات الاندرويد

قناه Android Developers
فى القناه ديه هتلاقى كتير من الدورات و الدروس لتعلم انشاء التطبيقات وغيرها من الأشياء التي لها علاقة بالاندرويد بشكل عام أو خاص

موقع عرب أندرويد
موقع عربى بيتعمد على البساطة لتعليم برمجة الاندرويد وكمان بيقدم أهم المصادر من كتب و برامج مساعدة في هذا المجال

قناه عبدالله عيد
القناة العربية المشهورة للمبرمج عبدالله عيد الغني عن التعريف فى عالم البرمجة و قد قام بعمل دورة باسم Android101.
توضح أساسيات أندرويد عن طريق بناء التطبيقات خطوة بخطوة وبشكل مبسط تساعد المتدرب على بناء أساس جيد في عالم أندرويد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مجال الكمبيوتر
ــــــــــــــــــــــــــــــــــ
تجميعة كورسات وقنوات عربية مميزة في مجال الكمبيوتر لو كنت بدور على دروس وكورسات فى البرمجة او التصميم وغيرها كتير.....

يبقى اكيد هتحتاج القنوات ديه:http://bit.ly/2Al1rCe اكتر من رائعة لناس متخصصين
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البرمجة
ــــــــــــــــــــــــ
ديه افضل مواقع هتساعدك تبدأ و تبدأ باساس متين كمان
http://bit.ly/2QzzGM6
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الانجليزى
ـــــــــــــــ
ديه اكبر تجميعة لكل القنوات على اليوتيوب لتعلم اللغة الانجليزية
لناس متخصصين وشاطرين جداااااا
المواقع دي هتفرق معاكوا جداااااااااجدا جدا جدا
اكتر من 100 قناه
عيشوا فيهم
http://bit.ly/2q4konh
1نبدء بقى او حاجة قناه Adam
بيقدمها واحد من المدرسين الممتازين بجد وطريقته سهله فى تقديم المعلومة
وكمان بيقدم يقدم دروس متنوعة تشمل القواعد والكلمات وكمان له اهتمام خاص باختبار الآيلتس (IELTS) وليه فيديوهات كتيره عشان تستعد لاختبار الايلتس بكل سهوله

2 قناه BBC Learning English
ديه القناة الرسمية لهيئة الإذاعة البريطانية (بي بي سي) أو (BBC) المخصصة لمتعلمي اللغة الإنجليزية
وفيها عشرات السلاسل يتم النشر عبرها وفيها جميع المستويات تقدر تبدء من خلالها من المستوى الى يناسبك

3 قناهDuncan
الراجل ده عنده حلك و ال English مش هيبقي عقدة بالنسبة ليك تاني .. خاصةً ال Conversation “المحادثة” ..
انا معاك انا شكله ميطمنش لكن Misterduncan اسلوبة كوميدي و هيسهل عليك الدنيا جداً ..
معلم الانجليزية الأكثر مشاهدة على اليوتيوب أكثر من 90 مليون مشاهدة
وليه اكتر من 450 فيديو

4قناه VOA Learning English
ديه القناة الرسمية لإذاعة صوت أمريكا – القسم الخاص بتعلم اللغة الإنجليزية، يمكن اعتبارها (أكبر قناة لتعلم الإنجليزية في اليوتيوب)
وفيها أكتر من 2000 فيديو تعليمي

5 قناهJennifer
ديه قناه مقدمة من المدرسة (جِنِفِر)
وبتقدم كتير من التلميحات والنصائح وأفضل الطرق لتعلم اللغة الإنجليزية
الصراحة الشغل في هذه القناة متعوب عليه والإنتاج غزير وكذلك طريقة وأسلوب الإلقاء مميز ومشوق
وبتقدم أكتر من 400 فيديو

7قناه Simple English Videos
ديه قناه بتقدم دروس خفيفة لتعلم الإنجليزية بطريقة ممتعة وتمثيلية
بتتقدم من خلال زوجان مسنان بطريقة فكاهية في الغالب ومصحوبة بالأمثلة الواقعية من الحياة اليومية

8 قناه Ronnie
مدرسة من طراز خاص ليها طريقة عجيبة في التدريس
قدرت من خلالها يكون ليها شعبية كبيره على اليوتيوب

9 قناه Rachel
ديه قناه متخصصة فى قناة أكتر في مسألة النطق الصحيح في اللغة الإنجليزية (اللكنة الأمريكية)

10 قناه Papa Teach Me
ديه قناه بتقدم فيديوهات بشكل مشوق وفكاهي
الدروس في القناة متنوعة بين قواعد اللغة (Grammar) والكلمات (Vocabulary) و دورس النطق (pronunciation) وغيرها من الدروس المتنوعة التي تقدم بواسطة شابين باللكنة البريطانية

11قناه ZAmericanEnglish
ديه من اكتر القنوات شعبية على اليوتيوب مقدمة من الاستاذ (إبراهيم عادل)
بينشر الفيديوهات التعليمية بشكل منتظم ويسير بجدول محدد
يشرح المفاهيم بطريقة سهلة ومفصلة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قنوات فى مجالات كتير
ـــــــــــــــــــــــــــــــ
هتلاقى هنا http://bit.ly/2PrrMrL

1- قناة ( علي وكتاب ) الراجل ده فعلاً بيعمل فيديوهات مفيدة جداً والقناة بتاعته كنز بمعني الكلمة .
محتوي القناة : بيعمل فيديوهات عن اهم الكتب وبيشرحها بطريقة كويسة جداً وبيكون الغالب منها في مجال تطوير الذات وأكتساب المهارات .
----------
2- قناة ( Winners Team ) قناة بحب أشوف فيدوهاتها من حين لآخر بس هيا في المجمل ممتازة وبتفيدني في سماع الإنجليزي بترجمة إنجليزي برضو
محتوي القناة : نشر الإقتباسات وترجمة وإنتاج الفيديوهات التحفيزية .
----------
3- قناة ( CrashCourse ) مش هتكلم عليها كتير لإنها غنية عن التعريف
محتوي القناة : العلم بشكل عام .
----------
4- قناة ( ايجيكولوجي ) أحمد سمير حد مميز جداً في عرض المعلومة بطريقة عبقرية وبشكل كوميدي بسيط أنصح جداً تتابعوه .
محتوي القناة : بيتكلم في التاريخ والفلسفة وعلم النفس وغيرهم .
----------
5- قناة ( Kareem Elsayed كريم السيد ) ده فلوجر مصري عايش في إنجلترا بس حاجة كدا عظيمة جداً , أنا حرفياً بستني كل فيديو بينزله .
محتوي القناة : محاولة مشاركة تجاربه وخبراته من خلال فيديوهات .
----------
6- قناة ( TED ) برضو حاجة غنية عن التعريف .
محتوي القناة : كل حاجة هتلاقيها هناك .
----------
7- قناة ( Anas Iskander I انس اسكندر ) برضو فلوجر بس سعودي سافر بلاد كتير وفلوجاته مميزة جداً برضو مفيد لو مهتم تستكشف بلاد بره .
محتوي القناة : بيلف العالم وبيعرفك معالم كل بلد .
----------
8- قناة ( ZAmericanEnglish ) إبراهيم عادل أستاذ الإنجليزي بمعني الكلمة والقناة دي هيا كنز اليوتيوب حرفياً وأى حد عاوز يتعلم إنجليزي يبات في القناة دي وهيلاقي تطور ملحوظ .
محتوي القناة : تبسيط اللغة الانجليزية لكل متعلم وجعلها منطقية وذو معنى حتى نتخلص من عقدة الحفظ ونبدأ في الفهم
----------
9- قناة ( دروس أونلاين ) برضو أحمد أبو زيد من الناس المميزة جداً في الإنجليزي والقناة دي مفيدة لحجات كتير عندك محتاجة تطوير .
محتوي القناة : تعليم اللغه الانجليزية والجرافيك ونصائح في أي مجال .
----------
10- قناة ( شيخ العمود ) قناة شبه دينية بس هي تعتبر بداية لأى حد عاوز يبدأ صح في كل حاجة يعني ممكن نسميها ( بداية الرحلة ) .
محتوي القناة : تعليم العلوم الإسلامية بدوائرها الأربعة (شرعية ولغوية وإنسانية وطبيعية) لغير المتخصصين
----------
11- قناة ( Tech Quotes ) ده برنس التكنولوجيا بجد أنصح جداً جداً تشوفوه .
----------
12- قناة ( Abdullah Wesya ) فلوجر مصري بس بشكل ديني شوية .
----------
13- قناة ( Hazem El Seddiq ) أول فلوجر في مصر أنصح تشوفوه .
----------
14- قناة ( Larva TUBA ) لعشاق التفاهة , لما ببقي مضايق بتفرج عليها
----------
15- قناة ( Lawendy Tech ) بدخل من وقت لآخر أعرف أخبار التكنولوجيا والجديد في عالم الموبايلات .