عاوز تتعلم انجليزى وتتكلم مع اجانب وببلاش ؟

فى اماكن كتيره ممكن تستفيد منها فى الاجازه 
تحضر ايفنتات 
_ورش عمل
_تستفيد من المكتبات
_تستعير كتب التويفل
________________________________________________________________
* #عضوية_المركز_الثقافى_الامريكى ( IRC ) /ببلاش/ 
تاخد صورة البطاقة بتاعتك وتطلع على السفارة الامريكية (محطة السادات-المترو) ، قبل الساعة 1 ، هتعمل عضوية ببلاش وهتاخدها وانتا واقف
المميزات
- مكتبة كبيرة اوى ممكن تستعير منها كتب او سديهات وكمان كتب صوتيه ومجلات و ......... إلخ
- كل يوم فى مالا يقل عن event مجانى فى مجالات مختلفه ساعات اتنين او تلاته .
- فى حلقات لتعليم المحادثة الانجليزية مجانا برده
- مينى سينما ، ممكن تدخل وتتفرج على افلام مع ناس متعرفهاش فى جو ممتع جدا.
- فى نت وحوالى 6 كومبيوتر ممكن تقعد وتستخدمه براحتك وطبعا احدث واسرع الانواع
- كمان فى اكس بوكس ممكن تلعب عادى جدا ولا حد بيقولك اى حاجة
- وحاجات تانيه كتير هتكتشفها بنفسك
دا لنك الجدول الشهرى للمركز ، تقدر تدخل وتشوف اللى يعجبك

https://eg.usembassy.gov/ar/education-culture-ar/

* #معهد_جوتة ( #تحرير_لاونج ) 

المركز الثقافى الالمانى (ش البستان- ميدان التحرير ) ، بيقدم ورش وايفينتات حلوة اوى فى مجالات مختلفه وكتير منها بل معظمها مجانى ، كمان بيكون فى المعهد ندوات كتير وحفلات ، كمان بيبقى فى افلام سينما ونقاد ومحللين ، وجو حلو اوى ، تقدر تشوف بنفسك من اللنك ده

https://m.facebook.com/TahrirLounge/
_________________________________________________

* #المجلس_البريطانى ( BRITISH COUNCIL )

- كمان المجلس البريطانى بيقدم برامج حلوةاوى ومنها كتير مجانى ، بتهدف للرقى بالافراد والمجتمع وبتعمل مبادرات حلوة اوى هتفيدك زى مثلا
- برنامج مواطنون فاعلون

http://www.britishcouncil.org.eg/programm active-citizens

- برنامج صوت الشباب العربى

http://www.youngarabvoices.org/ar/n-lbrnmj
_________________________________

* #The_Greek_Campus
بيسموه حديقة الابداع ، مكان فى وسط البلد ش.الفلكى منصة حقيقة لاكتر من 500 شركة صغيرة ومبدرات اجتماعية وعلميه وصناعيه كمان ، تابعها كويس هتلاقى حاجات كتير قوى بغرض التنميه فى مجالات مختلفه ، كتير منها مجانى ، واللى بفلوس بتكون حاجات بسيطه جدا .